حبيت اسألكم عن موضوع الانجاب والسن والزوج وانتي <
طبعا كل امرأه يعني لنا هذا الموضوع
اللحين كلنا نعرف ان الوحده توقف عن الحمل بسن 45 اغلب حريمنا نادر ماتجيب بهذا السن خصوصا الحريم القديمات لانهم يتزوجن تحت العشرين وبسرعه تحمل مافيه مانع وخرابيط وكلهم ورى بعض ولازم يكثرون عيال وبنات اذا ماجابت فوق 8 اهلها ينشبون بحلقها الا تجيب عشره يعني توصل الاربعين وهي معها درزن ماشاء الله تبارك الله
اما بوقتنا هذا صاروا يتأخرون البنات ومايتزوجن الا بالعشرين وفوق وعلى بال ماتتدلع تجلس كم سنه ماتبي عيال بعدها تجيب واحد بعدين تطووووووووول وتجيب الثاني وتطووووووووول تجيب الثالث وهكذا
وتوصل فوق الاربعين وهي مامعها الا 3 او 4 ويمكن ماتبي اكثر او يمكن تأخير من ربي كذا بس
سؤالي بما ان الجيل الجديد على وشك الاربعين كل وحده على مشارف الاربعين او بعايلتكم كم معها من طفل بعايلتنا تخيلوا اللي بتوصل الاربعين اغلبهم معهم 3 او 4
وهل هو صحيح ان الوحدهاذا جابت فوق 45 خطر عليها والجنين وهل هو صعب وماينفع انها تجيب بهذا السن لان ولدها بيكبر ويصير عمره 20 والام بتصير بوقتها كبيره بالسن مو قادره على تربيته
وهل انتي مخططه اذا وصلتي الاربعين عادي تجيب بهذا السن او خلاص اللي عندك خير ونعمه حتى لو كان عددهم 3
والزوج بعد ماوصلتي فوق الاربعينات يبي عيال وكيف وضعه معك تغير عليك من جميع النواحي يلمح لك انك كبرتي وكذا
ابي اجابتكم لان قبل كم يوم صار نقاش بين الحريم وقلت اسألكم انتم واشوف انتم زي كلامهم او غيرر
يلا جاوبي اذا وصلتي الاربعين وش ودك يصير معك من عيال وبنات وتأيدين الانجاب بهذ السن ؟؟؟؟؟؟؟
طبعا كل شي بأراده الله وبأمره
..
تصدقون انه باقي لي كثيييييييييير على بال مااوصل اربعين ومع ذلك شايله هم كبيرررر الله يعين احس العمر هذا بيقلبني فوق تحت بكل شي واحسها مرحله غيررررر :06:
ربي يطول بعمرنا ويمتعنا بطاعته