مايهمني كم يكون مهري بقدر مايهمني الزوج الصالح اللي يحافظ علي واذا زوجي بيحافظ علي علشان مهري للاسف ارفض هذا الزوج وارفض ان اكون سلعه ترتفع او تنزل اهم شي يكون مهري معقول وفي حدود الواقع والاهم من هذا حسن اختيتر الزوج

ذكرتوني بسالفة الأب الذي زوج بنته بريال واحد ومااشترط من العريس شيء أبدا
لكن العريس كان دايما يقول لزوجته: سعرك بسعر علبة البيبسي.. انتي والبيبسي واحد
وكان دايما يعايرها ويستهزيء فيها.. حتى ملت وشكت لأبوها فقال لها: خلاص لاتروحين لبيت زوجك حتى اشوف الموضوع.. فاتصل على زوج بنته وقال له: تعال وجب معك ابوك واعمامك بكرا العصر.. فجاء الزوج مع ابوه واعمامه وهو مايدري وش السالفة؟؟ فأخذ ابو البنت ينادي ولده وقال له: رح للبقالة وجب اربعة علب بيبسي .. والبيبسي مايسوى بريال ومهب قدركم.. وبدأ يلمح من هالكلام .. الزوج فهم ان الموضوع فيه شيء .. وبعدين عطى ابو البنت كل واحد علبة بيبسي وقال : شوفوا ياجماعة الخير حنا قدرناكم وعطيناكم بنتنا بريال ( قيمة هالبيبسي اللي معكم) ومانفع فيكم.. وبنتي هالحين مهب راجعة لزوجها إلا بمهر كامل تدفعونه لها..

//أخيتي مانظرتك للمهر؟

عادية جدا .. واجب ..

2//كم تتمنين أن يكون مهرك؟

لم أفكر في هذا الأمر ولايهمني كم .. :) التوفيق أهم من بضع ريالات ..

3//هل تعتقدين أن المهر الغالي يحميك من الطلاق؟
لاطبعا
4//برأيك ماهي أسباب غلاء المهور؟
ليست غالية إلى الحد الذي يمكن تسميته ظاهرة والحديث عنه .. هي مجرد شاعات وكلام متناقل .. وعجز من الشباب واستهانة ..
5//هل المهر الغالي يحفظ للمرأة كرامتها وقيمتها؟
لاطبعا
6//المهر ينظر له حاليا أنه ثمن المرأة وليس هديه لها أو حق من حقوقها..مارأيك؟
مممم في مجتمعنا لاتوجد هذه النظرة
7//هل ترضين بأن يكون مهرك بالشيء الفلاني ثم بعد الزواج تعيدين جزء منه للزوج..فقط لتتباهي به أمام الناس؟
لا
8//أيهما بأيك الأفضل الجلوس في المنزل منتظرة العريس الذي سيزنك بالذهب كما يقال أم الزواج من شاب لا يملك من الحياة إلا اليسير؟
مايكتبه الله لي .. لم ألتفت للمال أبداً .. تقدم لي الغني التاجر والفقير المعدم الذي لايعمل ورفضتهما .. المعيار ليس بالثمن..
9//تقول إحدى الفتيات :"أريد مهرا غاليا أنا لست قليلة وما أخذني من أهلي ببلاش" مارأيك في قولها؟
حماقة
10//ماهو الحل لهذه المشكلة؟
أية مشكلة :)
عموما الحل بنظري توظيف الشباب وتحميلهم المسؤولية منذ الصغر
11//كلمة توجهينها لمن يجعل الفتاة سلعة يتاجر بها؟
كلكم راع وكلكم مسؤول عن رعيته

المهر مو هو المشكله ولا هو القضيه لان مصاريف اغلب شباب هالايام تفوق قيمه المهر المشكله بصراحه بتكاليف ليله العرس الي مالها داعي ابدااااااا

المهر مهما يكن حق للمراه وحرام ان العالم تتكلم عن العنوسه وان سببها الرئيسي غلاء المهور
والله المهور لاهي غاليه ولا شي بس شباب ها لايام لا جا بيتعذر عن الزواج قال تكاليف رغم ان سيارته بالمبلغ الفلاني واغلب يومه يروح في مقاهي انترنت وكوفي شوبات وبدل وكشخات ويجمع بعد للاجازه عشان سفرياته هذا واقع وملموس

الي ينوي الزواج الله يسهل اموره سبحان الله ومجتمعنا الحمدلله مايقصر العانيات بلحالها تجييب قيمه مهر فوين المشكله

هل المشكله ان الوحده يكون مهرها خمسين او اربعين الف عشان تجهز نفسها وتشيل لها شي تستفيد منه؟؟؟؟؟

انا ما اشوف المهر مشكله المشكله في تسويف الشباب ودلعهم والمظاهر الكذابه ليله الزواج الي احيانا ماتكون لاهل العروس دخل فيها فقط اهل الزوج بيتفشخرون واحيانا من الطرفين


مبلغ خمسين او اربعين الف جدا معقول ومقدور عليه لا زياده ولا نقصان

المهر مو البنت هي اللي تحدده
المهر الاهل هم اللي يحددونه وهم اللي يطلبونه
يعني البنت مالها دخل بالموضوع