كم تتوقعون الملكه تكلف

ياربي فينكم متامله بالله ثم فيكم

تختلف حبيبتي
لما تكون بقاعه ولما تكون بالبيت
وعلى حسب عدد المعازيم

انتي قولي فين بتحطيها ؟؟

وهل بتعزمو كثير؟؟

حبيبتي على حسب. يعني نحن عندنا المعرس يتكفل بكل شي العروس بس عليها كشختها... طبعا قبل الملجة يكون المهر عند العروس وهي تصرف منه للملجه والعرس.

هي الاشياء الضرورية للملجه :

القاعه
التصوير
الضيافة ( المشروبات الحارة مع التوزيعات )
الذهب : خذي اللون اللي يناسب فستان الملجه. + ساعه
الفستان : حاولي تختارين فستان يكون مع اكسسواراته للشعر والكعب ومرات تكون المسكة بعد معاه.
المكياج
المسكة : قبل العرس بكم يوم لازم تودينها عند محل الورد يحط فيها ورد.

مبروك مقدما حبيبتي

قولي لنا وين بتسوين الملكه ف بيت او وين ! و حنا بنساعدك إن شاءالله

اللي اعرفه انو الملكه بالبيت بدون معازيم ولا شي بس البنت تكشخ ب لبس ناعم و توقع و دخل تسلم ع خطيبها
و بيوم ثاني تسوي الشبكه باستراحه
تشتري فستان ناعم مع مسكه ناعمه و تسوي تسريحه و ميك اب > هنا شوفي كم بيكلفك
و اذا حبيتي تسوين كوشه صغنونه و تجيبين مصوره و الدي جي > هنا شوفي كم بيكلفك
و الضيافه من حلى و فطاير اتوقع ماتتعدى ال٢٠٠ او ٣٠٠
أما القهوه و الشاهي يا تجيبين قهوجيه او خالاتك و عماتك اللي بيجون يجيبون معهم يعني كلهم يجيبون قهوه و شاهي هع
و لاتنسين الشوكولاته صينيه كبيره من جهينه او روز او أي محل
و العصيرات بعد من ضمن الضيافه
و العشاء افضل يكون بوفيه ، و البوفيه يكلف ع حسب ، من ألفين و زياده @_@
و اذا حابين توزعون ورد و يكون فيها بطاقه فيها كلام سوا يكون منك او يكون إهداء من أمك او أختك

هذا اللي جاء ببالي و أتمنى أكون افدتك مع أني ماجبت شي جديد هههههه
و أتوقع كل هذا يكلفك تقريباً كحد اعلى 15 ألف ، و ممكن يكون اقل


الله يوفقك و يسعدك و يتمم لك على خير