خل يصير عندي مصروف اول
عشان يصير عندي ادخار

لو ادخر كان صرت مليونيره

بس خبله انا اطير القروش :(

ماأدخر ولا ريال

عجزت ودي اصير أقتصاديه بس مدي كيف

ااااااااااااه جيتي على الجرح
والله مصروفي حالته حاله
مشكلتي بالمصروف السواق اقول لكم كيف
انا ماعندي سواق الله يرزقني
وزوجي دوامه صعب يعني كل يومه بالعمل
فكل مشاويري وولدي مع سواق اهلي
وزوجي رفض السواق يوديني ببلاش قال لازم تدفعين نص راتبه بالاول هو يدفعه
لكن بعد فترة صار يطنش وانا استحي من اهلي اني اقطع الراتب فجاة وانا اللي محتاجته
فصرت اعطيه من مصروفي نص راتبه
والحين انا حامل وابي اخفف على زوجي مصاريف الولادة قمت قلت له اانا باتحمل الضيافه
ومن دريت اني حامل وانا اشيل 500 كل شهر عشان الضيافه وماراح تكفي كل شئ غالي
انا مصروفي بولدي 1500
500=ضيافه
400=السواق
يبقى 600
شهر اسوي ب400=ليزر وجهي
ويبقى 200 =احاول اقعد بها الشهر كله
وتخلص على ولدي اغراضه وصرفياته كثيرة
والشهر اللي مااسوي فيه ليزر
تصير ال400 لهدية او مناسبة وماتكفي اعوذ بالله
............
والله ودي يصير عندي سواق عشان افتك من الهم والقلق
وانا نويت اني هالشهر خلاص ماراح اعطي سواق اهلي راتبه
وقلت لزوجي اني ماعاد اقدر على ال400
انا حامل واحتاج اشتري ملابس واغراض لي مااقدر ابدا
قال لي بكيفك
بس انا هذي فكرتي عشان كل ماصار عندي موعد مستشفى والا ابغى شئ
باصير اقول لزوجي وازعجه فيهم
يايتحمل ويوديني ويجيبني والا يصير هو يدفع حق السواق
والله تعبت من المصاريف
اسم ان مصروفي 1500
وهو مايبقى شئ

ودي اصير ادخر منه
جزء اتصدق به
وجزء اجمعه
لاني ودي حالنا يزين ان شاء الله واجمع شوي شوي واشتري بيت
مشكلتي زوجي مايفكر بالمستقبل ابد
ونص البيت لامه
مايفكر لو صار لها شئ وين بنروح له
الله يرزقنا ياكريم
ويغنينا بحلاله عن حرامه
ويرزق كل مسلمة يارب