الحمد لله على كل شي
بس احس بعض الاشياء مالها داعي وتروح الميزانيه فيها
مثلا ناس لازم شامبو عبايات وداوني ومطهرات >>>العبايات نتفة شامبو وخلصنا وداوني مايحتاج اجل وش فايدة العطور اللي تتعطرون بها والمطهرات الالوان والاشكال والروائح مو ضروريه انا كلوركس وخلاص
واغراض الحلى والبسكوت والاشياء ذي مااطلبها الا اذا عندي عزيمه مستحيل احطها مع اغراض اللي اشتريها كل شهر
واغراضنا الشهريه >دجاج .رز .زيت .ماجي . معجون طماطم .سكر .شاي.الملح الخشن الكيس الكبير يقعد بي شهور وافكر اخذ سكر كيس كبير بعد .جبن سائل >
هذي اللي يجيبها شهريا >والخضار كل اسبوع او اسبوعين يجيب كميه بسيطه ونخلصها بسرعه
التونه والقشطه والمكرونه >اذا بسوي عشاء يجيبها بنفس اليوم وازينها
المربى والنوتيلا وزبدة الفول والطحينيه يمر شهور مانشتريها مو ضروريه
هذي صرفيتنا احس اني مو مبذره بس المشكله الراتب مايكفينا راتبه كله ديون مايصفى لنا الا 4000 شهريا نقضي للبيت ويجيب اليوميه الخبز والزبادي كل ثلاث ايام وسناك للعيال بسكوت او عصير يمكن ماتعدى 30 ريال
والبنزين مدري كم يصرف شهريا
والنت 200 شهريا وجوالي وجواله 500 شهريا
المطاعم مانطلع الا الشهر مره واحيانا يمر شهور ماطلعنا
عيالنا نطلعهم الشهر مره ملاهي ونتعشى يمكن 300
هذي صرفيتنا ومايجي بعد الر اتب باسبوع الا وحنا مصنفرين
نفسي ان الراتب بيدي اوزعه زين هالرجال مبذرين
الحمد لله على كل شي
بس احس بعض الاشياء مالها داعي وتروح الميزانيه فيها
مثلا ناس لازم شامبو...
وربي مع الغلا ماتعرفي كيف دبري المصروف
كل شهر يطلع حاجه
انا ماعندي شي ثابت بتقسيم المصرروف
لان كل شهرله ظروفه
من غير التجمعات والزيارات العاىليه هذا تلخبط لك ابو الميزانيه
الله يغننينا من فضله
وسلامتكم