.،




حنَا اللي يصفي من راتبنا 5000 بس مادري أحس حنا للحين
ماترتبنا محيوسيييين شلون نقسسمه على اغراض البيت والمصروف
اليومي ، مايجي نهاية الشهر الا طفرانين ولامتسلفين ياليت وحده تفيدني
الله يوفقكم :king:

مصروفي 800 طبعا اشترينا ارض ونبي نسوي فلة دورين ومتحدينا انفسنا الشهر هذا تكون جاهزة وننقل تعبنا من الاجار

 حبيبتي حسيتك نظامية وتوفيرك حلووو وحرمة قدعة  هههه بس حبيت انبهك للشغلة .....اكثر شي ياكل الميزانية هالمطاعم فحلوو لوو تخلين الغدا دائماً في البيت ماعدا يوم واحد فقط  بالأسبوع ... أما العشاء كفاية مرتين بالأسبوع من برا والباقي سوي اشياء خفيفة سوي بيض بأنواعة سوي كلبات سوي بيتزا سريعة سوي شورما وبرجر اكون شارية من السوبر ماركت وحمص نواشف سندويشات وكذا ((( نصيحتي كثري اغراض من السوبر ماركت لو تاصلين 600 أو 650  وقللي ذهاب للمطاعم راح توفرين اكثرر والله  )))) .... وخلي يوم بالأسبوع تطلعي السوبر ماركت وتتقضي اغراض طبخة جديدة من النت من مكرونات أو صينية أو طبخ هندي او ايطالي أو غيرها بدلا من المطاعم وارخص .....أنا عندي بنتين ونفسك لا حفايظ بس الحليب ضروري ما اقطعه عن بناتي اذا خلصوا  من حليب الأطفال أبدأ بنيدو...... الغدا دايم بالبيت أما العشاء مرتين بالأسبوع من برا واروح مطاعم اسعارها معقولة و وجبات ماتكلف .....وصرفي 1500 تقريبا بالشهر ...اطلع السوبر ماركت واشري اغراض بداية الشهر 700 ريال كل شي اخذه وادور العروض واستغلها ... فاتورتي ماتتعدا 150 و بناتي بالشهر العبهم 100 بصالة ألعاب ومرة نروح مطعم فيه ألعاب مجانية ومرة حديقة فيها نطيطة وكذا  ...... بعدين ليه كل يومين اغراضك تاصل 100 كذا ماوفرتي حبيبتي .... أنا بالأسبوع  اصرف 200  أو 150  شاملة البقالة والمطاعم  ...واخر اسبوع قبل الراتب ما نطلع مطاعم ابدا ولا اشري من البقالة غير الخبز عشان يصير لراتب طعم اذا نزل ....وأما الملابس أنا ما اشتري لبناتي ألا وقت التخفيض 70 بالمية واشريلهم لبس يكفيهم 6 شهور مايكلفني ألا 1000 شامل للبس الطلعات واطقم لهن  والجنزات والبجايم والجزم والملابس الداخلية وكل شي واكبرهم شوي ....  ومن ماركات معروفة بس استغليت العروض  ..... والحمدلله ماشوف نقص بناتي شي ذوق بلبسهن وصحتهن الحمدلله وماعليهن قاصر بس العمدة بالتدبير ..حتى مشترياتك للنفسك لاتبذرين ولاتقصرين ع نفسك استغلي العروض وخليلك هدف مو بس تجمعين من هالملابس والمكياج بدون هدف .. ونصيحة خلي توفيرك بينك وبين زوجك لا تتكلمي عند احد بتوفيرك ماراح تسلمين منهم .... الدنيا الحين صعبة ولازم نوفر ولازم نتعاون مع ازواجنا عشان يكونون انفسهم .... وتصدقي بالشهر عشان ربي يبارك لك بمالك ...،

بالنسبه لي ما نقضي كل شهر وصرفيتنا على حسب ثلاث آلاف في الشهر انا ماعندي أطفال بس عندي ولد زوجي وأخته الي ماتزوجت تأكل معنا اذا نقص شي نجيبه وانا مانتغدى أبد لأكن نوفر كل يوم من البقالة خبز وسفن اب ونجيب من السوبر ماركت أندومي بإلكرتون وحلويات وشبس وكيك للي يبي يأكل والعشاء الحين نادر مااطبخ لانه عندي اكزيما وما عندي شغاله نقضيها مطاعم هالفتهره اما مصروف ولده فعليه يروح يشتري له الي ينقصه ويعطيه بيده لانه كبير مصروف المدرسه خمسات يحسبها طول السنه يعني يعطيه حق كل الترم طبعا يزيد خمسين او أكثر في الشهر تصير له انا ما اطلبه لانه الحمد الله عندي خير واصرف منه واوفر بعد لبسي ومكياجي وعطوراتي وفاتورت جوالي رغم انه مايقصر معي اكثر طلباتي منه بس أحب الاستقلال بمصروفي مااحب التقيد ولا اقيده وبيتنا ملك

لو تحدثت عن أهلي نحن بس انا وأخوي..
أبوي رااتبه فوق مع دخل إضافي قريب من راتبه,,

والأمور الحمد لله ميسرة..يعني نصرف بدون حسبان