المشاركة الأصلية كتبت بواسطة نخلة مثمره
انا موظفه وعندي سواق السواق والسياره ماخذ جزء كببببير من راتبي بس الحمدالله محتاجه سواق يوديني ويجيبني
لما يكون عندك سواق تحسين كنك اميره
من ينزل راتبي اجلس احسب احسب وقبل لااشتري شي افكررررر كثثثثثير يلزمني ولا لا
اكثر شي يروح على اشتراك النت شحن البلاك بيري والواتس اب وشحن الجوال
وانا مركبه تقويم ادفع له كل شهر
وبما اني مووظفه اظطر اني اتغداء براء
طبعا انا مش متزوجه
بس تصدقين خااااااااااااطري ادخل السوق واشتري كل الي في خاطري بس ماقدر
يخلص راتبي
لازم كل شهر اجيب شي مره عبايه مره شنطه مره عطر وما ادارك عن العطورات صارت غااااااااااااااليه
صرت افضل البخور شاسوي بعد
والحمدالله على كل حاااااااااااااااال




الحمدلله على كل حال ياخيتو والله يقضي عنك الدين والاقساط القروض والدين مو طيبة تخلي البعض ماينام الليل
حالك قريب من اختي موظفة بس سيارتها تقسيط ودين عليها فوق خمسين الف ريال
وراتب السواق بالشهر 1200ريال شهريا والقسط يمكن 1600ريال بس ماشاء الله فيه بركة براتبها
احسها مغطيه اشياء كثير لنفسها ومتطلباتها ماشاء الله لاقوة إلا بالله وربي يبارك لها ولك وللجميع
:humm::unhappy: تقولين لما يكون عندك سواق كأنك اميرة والله اختي تبهذلت شاروا عليها زميلات العمل وكفلت مرتين وجلس شهرين وهرب و راتبه اخر سواق 1500ر وجربت طريقة ثانية تعاقد شهري مع باص ب500 ر وضعها مو مستقر
والله يرزقنا من حيث لانحتسب نسأل الله العفو والعافية والحمدلله والشكر لله في كل الأحوال

المشاركة الأصلية كتبت بواسطة رمش الرياض
أنا بدأت أوفر وأعود العايلة معي
وأدعو لي الله يرزقني
صرت أشتري مكياجي من اماركات لدرق ستور في المحلات الشعبية
الملابس والكريمات والشامبوهات والفواحات والشنط وقت التخفيضات وأصوم بعدها لين التخفيضات الجاية
أشتري عطر واحد غالي يجلس معي سنة
الساعة طلبية من المواقع اللي برا سعر 400 وهينا تنباع مثلها بالفين وأكثر
والاكل مو لازم نأكل ونعمل دايت
معجون الاسنان احط نصه على راس الفرشة ماهو زي الاعلانات يجي يحط المعجون على كامل الفرشة
دعواااااااتكم لي


ابوي بنسبة له يهمه اكثر من الملابس لازم يوفر الأكل والمقاضي والأغراض للبيت اكثر واهم من الملابس
ويعطيك الي يقدر عليه بالشهر او يمر كم شهر ما يعطي على حسب
ومتطلبات البنت ملابس وغيره ماشاء الله ذوقه عالي جدا ويحب الخامة الجيدة والممتازة ونادرا يهتم بشراء ملابس لكن إذا اشترى وراح للسوق وهالشيء قليل جدا خلال سنة مرتين يشتري حتى لو غالي فستان ب300ريال او بلوزة ب150ريال
ومايشتري إلا إذا هو دخل مزاجه ويعجبه بس مع الأيااااااااام تغير صار يستغلي كل شيء ويقول مره غالين
يشتري لك قطعة وحده او قطعتين ويلا اكرفيهم خخخخ مايشتري مره ثانية هههه
وعنده عادي ان البنت تكرر اللبس مادام انه جميل وانيق وانه مافيها شيء
بنسبة للمكياج قليل اشتري وكذا مره رحت مع اختي لسوق الاندلس واشتري من الدور الي فوق محلين يعجبوني
نسيت اسم المحل لاني نادرا اروح والمكياج يجلس عندي فترة طوووويلة سنتين او ثلاث قليل استخدمه للطلعات
بنسبة للساعات اذكر مره ابوي اشترى لي ساعة ب300ريال من الحميضي وللاسف كل من شافها علي يحسبون سعرها ب50ريال او 100ريال مره انقهرت وصدق الساعة كلاسيك شكل عادي بس اعجبته ومثل ماقلت لكم نادرا يتشري لبناته بالسنة مرتين او ثلاث بالكثير وكذا مره يشتري لي ساعة بسيطة ب80ريال حلوة ومن الفترة السنوات الماضية صار يعطي مبلغ بسيط ويقول دبري نفسك مصروف والحمدلله والشكر لله





المشاركة الأصلية كتبت بواسطة عسسسوله84
تصدقون ان اسعد لحظه عندي لما أكون البس عبايتي عشان نطلع نتمشى
وأشوف ابوي يطلع المحفظه من جيبه وأشوف أصابعه ترقص سامري
داخل المحفظه وهو يفكر كم يعطيني
خخخخخخخخخخخخخخخخخخخخخخخخخخخ
مره كنت بطلع ولما شافني ابوي دخل يده بجيبه
وانا حسبت انه بيعطيني فلوس
وجلست اقهر اختي بصوت واطي وأقولها حررررررره ابوي بيعطيني
وفجأه طلع يده وقال وين ساعتي انا متأكد كانت بجيبي
خخخخخخخخخخخخخخخخخخخخخخ
وخزياااااااااااه وجلست اختي تتشمت فيني




والله انك جميلة وعسولة ردك اضحكني وابذكر لكم موقف مع ابوي
من اسبوعين تقريبا كنت ادعي بالرزق وادعيه ثانية وابي ابدأ اجهز نفسي اشتري متطلبات واغراض لطلعات
وابوي قال يلا بنات إذا بتروحون للسوق ابعطي كل وحده 300ريال وكنت فرحانه قلت لأخواتي ماراح اروح للسوق تتعبوني بالفرفرة وكل الفلوس ماتكفي 300 ترى مو 3000 ما احب اطول بالسوق وما ابي اروح ابجمعها لين تكثر شوي خخخخ واروح للسوق بعدين وسألت قلت وين فلوسي قال ابوي بيعطيك اياها في البيت
واخذوا اخواتي الفلوس وبنفس اليوم قال ابوي فلوسك ابعطيك اياها مامعي صرف 500 خمس ميه
قلت طيب عادي <<مره حبيبه وطيوبه وما اطلب فلوس وانا معي بالبوك او اصبر عندي صبورة واحب اباشر على الكل واسوي حركات ومفاجأة وتعجبني سالفة القطة يعني بنروح مطعم اقول كلن يقط البنات ونطلع نتمشى ونروح كوفي اومطعم مره او مرتين بالسنة تغير جو رحت لهم مطعم اسمه ابو شقرة ومطعم البحصلي الاسعار نار!
المهم فلوسي 300ر مرت ايام نهاية الشهر وقلت لابوي كلهم اخذوا وانا لا قال رااااااحت الفلوس خلصت صرفنها للبيت
اخواتي ينتهزون اي فرصة او تلميح من ابوي انه بيعطي فلوس وانا عادي ما اهتم معتمدة عليهم يجبوني لي

والحمدلله والشكر لله

أما أنا اعتمد بحياتي على هالبيت :
يوم شفت ان الكفن ماله مخابي , كل مايطري على بالي شريته

والحمدلله

انا الحمدلله موظفه وراتبي فوق ال١٠

وما اصرف بالشهر اكثر من ٥٠٠ :(

مو بخل بس ماعندي طلعات كثيره .. من الدوام للبيت والعكس .. الحمدلله

رفع
سبحان الله والحمد لله ولا اله الا الله
اللهم صل وسلم على نبينا محمد