💕گادي💕

💕گادي💕 @gady_3

فريق الإدارة والمحتوى

كم تعطينه من١٠👨👨

الأسرة والمجتمع

السلام عليككم
يسعد مساكم


كم تعطين زوجك / ولدك / اخوك / ابوك من ١٠
بالطبخ؟؟؟


وش الاكله اللي يطبخها ويضبطها
افضل طبخك ولا طبخهم
واكبر مشكله يسوونها وقت الطبخ




دمتم بود🎤
59
6K

يلزم عليك تسجيل الدخول أولًا لكتابة تعليق.

تسجيل دخول

💕گادي💕
💕گادي💕
زوجي يضبط الكبسه بقدر الضغط ١٠/١٠
وولدي يسوي الشاي والقهوة وسندوتشات البيض١٠/١٠


لكن مشكلتهم يحوسون المطبخ تلاقين مواعين على المغسله مالها خص بالطبخه مدري وش طلعها


اتحفوني💆‍♂️💆‍♂️💆‍♂️
عطورالوفا
عطورالوفا
موضوع رايق تسلمي




زوجي يطبخ الدجاج عالفحم واكلات الشوي عامة يضبببطها
هذا برى البيت 🐸
داخل البيت يضبط الكبسات تصير حبات نثري تهبببل ويحب يتفنن بالاكل كثيررررر والطامة الكبرى ما الاقي مواعين داخل الادراج وابواب الادراج مفتوحة كلللها بدون استثناء ومرق نقط بالارض وحبات رز منثرة والفرن اننننعدم والف ملعقة يستخدمها
بس والله وشهادة انه يغسل وراها كل شي بدون علمي
يعني يدخل المطبخ يقفز الباب يضبط الطبخة ويحوس ويخرج نظييييف كل شي


اخواني حقين برررر وكشتات يسوون المندي والمظبي بالحفرة و شاي عالجمرررر


ابوي يبدا يسوي مقلوبة السمك واذا لصقت بالقدر هج من البيت ورجع بعد ما تجهز الطبخه ف اكيد اعطيه 2من10 مع احترامي لك بابا
اخواني وزوجي 10من10


امي مافيه رقم يوصف لها
شكرا مامي
هنــــــاي 🌷
هنــــــاي 🌷
زوجي خطير بالايدامات والكبسه
لكن ما احبه يطبخ يحوس المطبخ بشكل وانا اللي اكلها😞
ويضبط الشاي خاصه شاي الجمر وااو
واحيانا يسهر ع شغله واذا قمت الصبح احصله مسوي لنفسه شاي او حليب 🙂
ام الضحك😂
ام الضحك😂
لا يمكنك مشاهدة هذا التعليق لانتهاكه شروط الاستخدام.
گيفُ ارملة زوجي الله يرحمها
مـا فهمت
أُمـنيّـات 🦋.
أُمـنيّـات 🦋.
لطافة مواضيعك 🥰 ،
زوجي ماشاءالله ٨ من عشره
اخواني واحد بس الي ماشاءالله مبدع طبخ والباقي لا
ابوي مايعرف ابدا ❌