اهلين بنات السعر مقبول بالنسبة لعايلتكم انا مع اسرتي المكونة مني ومن زوجي واطفالي الاربعة كلفتنا حوالي 1000 ريال هذا من غير خبز الفرد للثريد خذت لي 10 حبات دقيق كويتي يعني شدة اوفر لي ورق عنب علبتين فيمتو حبتين جلي كراميل جوز هند حليب محلى عدس سمبوسة تانج مكرونة تونة قشطة دريم ويب كيك بتي كروكر شراب هيرشي بسكويت شاي مايونيز جبن كرافت وجبن سائل وكيري زيت عافية بودرة كاكاو زبيب وفي اشياء ماذكرتها بس مو يعني كل شئ راح استهلكه في رمضان انا اللي خلاني اكتب هالمرة انو زوجي راح يعزم ولا انا مو مفكره قلت له ماراح اتكلف هالشهر يوم قال لي انه بيعزم قلت وين الورقة والقلم مع انه تقضى من المحلات القريبه عندنا يعني مارحنا بنده ولا غيره وسلامتكم ورمضان مبارك علينا وعلى الجميع .

حبيبة قلبي عادي
اهم شي الاكل عساه على قلوبكم بالعافية ويتقبل ربي الصيام والقيام اللهم امين
وادوات التنظيف والاجهزة طبعا هذا سعر السوق
يعني انتو اللي حاطين التسعيرة عليه !!
كلنا ودنا ندفع (((( اقل )))) بس الدنيا غالية وكل مالها تزيد وتزيد
الله يرحمنا برحمته بس
وش اقول لك انا اختك رحت بنده على شوي خرابيط للثلاجة استعمال يومي وشوي اكياس نفايات تكرمون و جبن وخبز والبان وعصيرات وكرتونين موية وحليب وحفايط لبناتي الثنتين الله يحفظهم صرفت
300 ريال وانا اضحك
مع ملاحظة اني يوم اروح بنده عندهم عروض وفي اشياء جتني هدية مع بعض الاغراض

صراحة انا اقترح نسوي لستة او موضوع ثابت كل وحدة تحط فيه اسعار الاشياء اللي اشترتها مب بس برمضان
باقي السنة
ونثبت عليه عشان نعرف وش الارخص
مثلا اساسيات كل البيوت
الرز السكر الشاهي الحليب
وبعد كذا اغراض الاطفال
حليب حفايض لاني لاحظت احيانا زيادة توصل ل 12 ريال لعلبة الحليب و 9 ريال فرق في كيس الحفايض الواحد
ووزارة التجارة ماتراقب الاسعار اللي المفروض انها ثابتة مع فروق طفيفة بالهلللات لكن الوضع الحالي صعب خصوصا
للي تفرق معه 50 - 70 ريال زيادة ع الفاتورة في كل نزلة تسوق !!!
اعذروني ع الاطالة بس مقهوووووووووووووورة

انا والله مااذكرلا كن في حدود كل مره انزل سوبر
يعني قضيت من بنده مرتين كل مره
250 اوازود شوي
بس عادي
حنا متعودين كل شهرعلى هالامور
للعلم مافيه الابنتي وولدي وزوجي وبس

والله يا قلبي انا شهريا اتقضى لمرةواحدة بالشهر وتكلفنا 800 على اعلى تقدير

وهالسعر يشمل الرز والسكر والدجاج والمعلبات وادوات التنظيف والخضار ووو بحيث ماراح للسوبر الا الشهر الجاي
بكذا ارتحنا ووفرنا


والحين رمضان نفس الشئ ماراح تكون مبالغ فيها ماعدا لو اباخذ من هالمفرزنات شوي وكريمة الكراميل


الله يعين ابعدوا عن التبذير تكفون