كم زمن الرضاعة الطبيعية؟!

الله يحفظلك ولدك يالغاليه وتشوفينه عريس
بالنسبه للرضاعه على كل ثدي ربع ساعه الخمس الدقايق الاوله ينزل حليب لونه شفاف هذا اكثر الفوائد فيه بعدها يبدا الحليب اللى لونه ابيض هذا اللى يشبع الطفل انا كل ساعتين ارضع ولدي مره كل ساعه مره 3 ساعات يعني ماعندي وقت معين وممكن تعطينه بين كل رضعه ورضعهشويه يانسون:27:

الأخت أمل كلاها صحيح حطيه على صدرج وخليه يرضع ولما تلاحظين انه شبع وبس يلعب طلعيه من فمه مع العلم ولدج صغير يعني الرضعة تكون صغيرة ويشبع بسرعة ويرجع يجوع بسرعة ، وفي نصيحة يمكن تعرفينها لا تركزين على صدر واحد علشان ما يكبر واحد أكثر من الثاني بعدين ما شئ يصلحة
الله يخليلك ولدج ويربيه

موفقة انشاء الله

واحة الخير
:26: :26: :26:

أختي أمل الغامدي :

آمين جزاك الله خير ، أنا ولدي أحيانًا أرضعه كل ساعة ، وأحيانًا كل ساعتين ، وأحيانًا كل ثلاث ساعات :11:

بس أختي ما قلتي لي الوقت أحسبه ما بين الرضعتين ينحسب من أول ما يبدأ يرضع وإلا من يوم ينتهي ؟!



أختي واحة الخير :

جزاك الله خير ، بس كيف أعرف إنه يمص لعب مو جوع؟!

أحيانًا أخليه تقريبًا نص ساعة على كل ثدي ، ويبكي إذا وقفت رضاعته :(

وما عندك إجابة لبقية الأسئلة ؟!

السلام عليكم
اذا عندك أسئلة ثانية انا في الخدمة
وهذي إجابة على أسئلتك





الطفل يحدد تلاقينه يرضع بحماش مال جوع




ساعتين زمن ممتاز ولكن اذا كان نايم خليه ينام لكن اذا طول حطيه على صدرك



لا تحسبينها بالدقيقة والثانية كل ما يجوع طفلك أرضعية لا تحرمينة وتحددين وقت

شو بعد .....؟؟



بتحسين انه ما يرضع بس يلعب بالثومة ، يمكن الحليب ما يكفية كلي تمر وانصحك بالحلاوة طحينية تدر الحليب وتخليه دسم يشبع الطفل ويربرب

الله يخليلج اياه بتخليني أتوله على اليهال أصغر عيالي في الروضة



ام محمد

هلا بزوجه زوجها

شخبارج
شكلنا تركنا قسم الحمل و نقلنا قسم الطفل
لا و مشاكلنا متشابهه بعد
سواء في الحمل او بعد الولاده

انا بعد نفس الشي مع ولدي
يرضع و ما يبي يقوم
يبي يمص بس
و اذا شلته يصيح
و هاليومين بالذات ما اعرف شفيه
ارضعه و احس انه شبع و يسكت و يغمض عيونه بس ما ينام
اول ما احطه بالسرير اقل من خمس دقايق و يرجع يصيح و يفتح فمه يبي يرضع
و يرضع بحماس كأنه مو راضع
مرات احس انه يبيني اشيله بس
و مرات اقول يمكن ما شبع
حتى لو عطيته من المرضعه حليب صناعي نفس المشكله
اول ما اشيله يقعد يدور صدري من فوق الثياب

غير عن هذا ملاحظه عليه انه وايد يطلع لسانه لبره
و يكح كحه كأنه يبي يرجع او كأنه في شي عالق بلعومه

يا ليت حد يفيدني

ولدي عمره شهر تقريبا بعمر ولد زوجة زوجها