كم سؤال مع قرب ولادتي

السلام عليكم
كيفكم بنات ؟؟ عسى الكل بخير
اول شي في شوية فضفضة بقولها : :44:
انا هبلة قلت لأهل زوجي عن يوم ولادتي :icon33: ، ، حسبت الشي هذا عادي بس اكتشفت انه موبعادي
هم يخبون علي ولا يقولون شي عنهم وانا يا عمري طلعت هبلة كل شي اقوله ، لما شفتهم كذا عرفت انهم ما يعتبروني منهم وفيهم
وانا اعتبرهم العكس ، وندمت ليتني ترويت لين عرفتهم زين :44: خصوصا ام زوجي توقعتها طيبة وتحبني وتعتبرني من بناتها ، بس عرفت انها تعتبرني زوجة ولد مو اكثر من كذا ، بس تسألني وتبي تعرف كل شي عني وعلى طول تروح تقول لبناتها كلهم وكل سلفاتي وعيالها بعد ((والله ما كذبت عليكم وشوفوني حلفت لكم ))بس ما تجيب سيرة بناتها في شي وتخبي ومرات اسألها على نيتي والله احس وجهها ينخطف ما تحب أسأل
على فكرة انا بعيدة عن اهلي وجالسة مع اهل زوجي :44: صرت احس اني منبوذة وسطهم
كلما افتكر لما يخبوا علي ولا يقولون عن حملهم ولا شي وانا كل شوي يسألوني متى وكيف وليش ، وانا اقول على نيتي
بعدين اكتشفتهم ، بس بعد ايش ،، الله بس لا يعسرلي ولادتي :44:
تصدقون نزلت دمعتي الحين ؟؟؟ :44:
حلفت زوجي وقلتله امانة في رقبتك أسألك عنها يوم القيامة اني يوم اروح المستشفى ولادة ما تقول لأهلك ، وحسيته زعل :44:
على فكرة انا يوم حملت رحت اسوي اول شي تحليل بالمستشفى وام زوجي ما ادري اشلون عرفت اني رايحة اسوي تحليل ، ما قالها زوجي بس هي ما ادري كيف عرفت ،، المهم لما جيت من المستشفى لقيتها منتظراني عند الباب تقولي ها وش نتيجة التحليل ؟؟؟ طبعا انا اعتبرت الموضوع عادي جدا وقلتلها وراحت طوالي تقول لكل بناتها والبنات عرفوا قبل اهلي وربي تخيلوا ،، بس بعدين عرفت انه مو بعادي ، لأن بنتها لما حملت بعدي كتمت عن الموضوع ، وجدة البنت تكلمت على نيتها وقالت فلانة حامل ، وكان في زوجي ساعتها وانا ما كنت فيه ، المهم راح سأل امه قالها صحيح اختي حامل ، قالت :لا مو اكيد ، بس متوقعين ،، تخيلوا تكذب ما تبي زوجي يعرف عشان لا يجي يقولي
بعدين البنت دخلت الثالث تقريبا وهي لا حس ولا خبر وبعدين البنت اللي قالتلي ، جابتها بسيرة عادية زي كأنها تحسبني اني ادري من زمان عشان لا يحسسوني انهم طول المدة هذي مخبيين علي ((وربي ما همني، بس احس حركة بايخة منهم)) بس من بعدها عرفت انه ام زوجي تبي تعرف كل شي عني وتنشر لبناتها بالتفصيل الممل لكن انا ما تحبني اعرف شي عنهم
والحين لما دخلت التاسع صرت اجلس ببيتي كثير لأني تعبانة من الثقل تعرفون كيف الوحدة بالتاسع ، وام زوجي مو مخلياني بحالي ، بس تجيني فجأة للبيت تجلس عندي وتسالني عن اخر اخباري ، وتبيني اجيهم واروح واجي معاهم لخرجاتهم، بس تقولي تعالي تعالي تعالي تعالي تعالي ، تحاول تحرجني بكثرة طلبها عشان اطلع ويعرفون اخباري وما همها لو يناظروني الناس، وانا مرات استحي بالفعل واخرج معهم، وبس يسألوني ما ودلتي ما ولدتي ، متى بتولدين ، خلاص ما نبي نشوفك المرة الجاية الا ولادة ، ومن هالكلام اللي يخلي الوحدة تتوتر لما تحس الكل محتري ولادتها
وربي ما يراعون مشاعر الوحدة وهم عارفين انه تصرفاتهم بمزينة مع وحدة حامل داخلة شهرها بدليل انهم على انفسهم يعملون العكس ويخافون ، وانا انواع التصرفات اللي على كيفهم
ليتني في بيت لوحدي ، ونصيحة للبنات الغشم اللي زيي ، والله لا تثقين في اهل زوجك لو يكونوا ملائكة ، ترا يعتبروك زوجة ولدهم مو اكثر من كذا صدقيني .
لحظة شوي ابكي وارجع اكمل


.
.
.
.
.

يالا رجعت
حبيباتي انا بسألكم الحين لأن ولادتي قربت ان شاءالله ، انا داخلة اسبوعي ال37 ، وبيتي مو نظيف ، وابي انظفه من .. الى ،، ما احب بيتي وسخ ، لكن من دخلت شهري وانا خايفة من التنظيف يسوي فيني شي ،بس مقدر خلاص الحين ابي انظفه كل يوم بس طبعا ما بشيل ولا ادف شي ثقيل ابد لأنه مو كويس كذا ، لكن اللي ابي اعرفه الشغل العادي (غسيل صحون ، غسيل ملابسـ غسيل حمامات الله يعزكم، تمسيح غبرة ، كنيس ارض وتمسيحها ) هذا بعد مو بزين ؟؟؟؟ ولا عادي ؟؟؟
لأني بكرية ما اعرف والله ، واخت زوجي قالتلي انتبهي حتى شغل البيت العادي لا ،، لأنه تنفك عليك موية الجنين ،، فهل صحيح الكلام هذا ؟؟؟

سؤالي ثاني : الجماع في شهري يكون يوميا ؟؟؟؟

سؤال ثالث : لو نزلت علي الموية قبل الطلق ، فهل عادي استحم بموية دافية بعدين اروح المستشفى ؟؟؟ ولا لازم دغري على المستشفى ؟؟؟ لأني بشوف البنات هنا يقولنا نزلت عليها الموية وراحت المستشفى وتجلس فيها 24 ساعة ،، يعني احس هي نفسها (مو لازم تولد بسرعة) فقلت ليش انا استعجل ،، خليني اخذ شور دافي بعدين اروح ، بس مدري عاد هذا تصرف صحيح ولا لأ ؟؟؟

بنات مالي غيركم بعد الله ، انا بعيدة عن اهلي ، قولوا الله يسهلي ولادتي ويجعلها زي شربة الموية ، وتذكروا لكم نصيب من الدعوة
ياللا سلام دموعي خلاص غرقت المكان



ملاحظة : بس عشان لا اظلم حماتي ،، تراها طيبة وتعاملها محترم معايا ، بس مشكلتها تنشر اخباري وما تداري علي زيما تداري وتكتم على بناتها ، وبعد تحب تعرف اخباري اول بأول