كم سنه تفضلين يكون بين اطفالك؟؟؟

وحده عندنا جابت ولد وجلست على موانع 5 سنوات وحملت وجابت الثاني والاول سار يدرس بس بينهم عداوه مو متفقين وابوهم ندمان انهم خلو هالفتره بينهم وبعد الثاني جابو بنت وعمره 4 سنوات عداوتهم اخف
ووحده جابت 2 بنات ورا بعض حملت بالثانيه وعمر هذي 3 شهور والحين ماشالله يلعبو معا بعض واحيانا يتهاوشون بس يخافون على بعض ويفقدو بعض بس امهم تعبت فالتربيه مره شقاوتهم تعبتها ﻻنهم سوا والاكل والتغيير مره تعبت
ووحده جابت بنت وجابت ولد وعمر بنتها سنتين بالضبط احسها مرتاحه يعني بنتها شوي تنشغل فالبيبي وبنفس الوقت خفت مسؤلية البنت عليها لانها وقت فطامهل من الرضاعه
انتو وش رايكم
انا بنتي عمرها سنه و3 شهور احسها صغيره ةابوها يقول نبي لها اخ قبل 3 سنوات عشان يتعودو على بعض
انا معاه بس مو الحين على الاقل اولد وعمرها سنتين ونص
وبنفس الوقت افكر فوحدتها الحين تخاف تجلس تلعب لحالها ﻻزم اكون عندها تتبع فيني واذا سرنا عند اهلي تلعب معا ولد اخوي وهو نفس حالتها وحيد بس عمره 5 سنوات وامه عنجها مشاكل فالحمل ويخاف يلعب لحاله او يجلس لحاله فاي غرفه فالبيت
كل وحده تقول تجربتها

احملي الآن انا عندي ولد وبنت بينهم 3سنوات وماشاءالله يحبون بعض ويلعبو صح أوقات يتهاوشون على الألعاب بس يحبون بعض كل وقتهم سوا وغلطت وجلست 5سنوات موانع وتركتها وحملت بولد وعمره الآن سنه وحملت عليه وعمره 5 شهور وحامل ببنت الآن بيكون بينهم 10 شهورتقريبا والحمدلله عيالي يحبو اخوهم الجديد ومنتظرين اختهم وبعد الولاده أن شاء الله ب5شهور باحمل طوالي اجيبهم الآن يلعبو مع بعض يخافو على بعض أفضل من اني أبعد بين الأعمار وانا لاحظت الشي هذا في عيال وحده من قريباتي ابنها الكبير متوسط وإخوانه اول ابتدائي ثاني ابتدائي بس هواش ماعمرهم اتفقو فانصيحه احملي الآن وانا ماشوف فيه تعب بالحمل والتربية البيبي بعد 6 شهور ينتظم نومه وترتاحي ومايمنع تحملي صح الوحم تعب بس بعده عادي

وأفضل يكون بينهم سنه أو سنه ونص بالكثير

ماشالله الله يحفظهم لك ويخليهم
بس 5 شهو قليله اذا ولدي ريحي سنه
انا اتمنى يكون اقل شي بينهم سنتين بالظبط
وما ابي اكثر من اربع سنوات ﻻنها بتكون وحيده واب اذا بفصلها بغرفه لحالها يكون معاها اخو او اخت
بس خايفه ما اقدر اهتم فيهم ما اعطي بنتي حقها من الحنان والاهتمام بنات ابي تجراب بعد

تجارب