يحكم القاضي على حسب راتب الاب صديقتي حكم لبنتها القاضي 500ريال كل شهر وهو راتبه 6000...اما السكن ودفع الإيجار مدري

المطلقات اللي اعرف ماجاهن سكن من الزوج ولا شي
ولا اعتقد ان مصروف العيال الزامي الظاهر يقوله الشيخ بس مايلزمه كل شهر ان دفع من نفسه او لا
كلامي اقوله من وضع المطلقات اللي اعرف وهن معهن عيال حالتهن تقطع القلب

اعرف وحده معها ولدين حكم القاضي لها بسكن بس الصدق تمرمطت في المحاكم والشرطه لين حصلت عليه مع ان عندها بيت اهلها مافيه الا ابوها فقط بس كانت تبغى تضمن عيالها وللعلم زوجها ماديته ضعيفه جدا ومتزوج ٢ غيرها وعنده عيال كثيير ومع كيذا المحكمه الزمته يستاجر لهم بيت ماعرف تفاصيل اكثر واتوقع نفقة عيالها كل واحد ٥٠٠ بالنسبه للكهرب مدري ماعندي فكره

إذا طلقها الطلقة الأولى أو الثانية، ولم يرجعها حتى انقضت العدة، وبانت بذلك، فإن لها النفقة أثناء العدة.
وأما إن طلقها طلاقا بائنا كالثالثة، فلا نفقة لها ولا سكنى،
للي اعرفه انها تاخذ من الدوله مو من الزوج
تاخذ من الشؤون الاجتماعيه
الف وميتين وحساب المواطن ٣٠٠
اما حضانه الاولاده لين سن
١٥سنه سواء بنت او ولد بعدها مايكون البنت او الولد
بحضانه امه يصير يروح لابوه
نفقهم من راتب ابوهم حسب راتبه اذا عليه قروض وديون وراتبه ضعيف يمكن ماتحصلين منه الا ٣٠٠ لكل طفل ولا بعد بعضهم يماطل مايدفعها شهر يدفع وشهر يقول انا معسر
السكن اذا الام ماعندها سكن بتاتا يمكن يحكمون عليه انه ياخذ لها سكن خاص
اما اذا عندك بيت ابوك بالغالب تسكنين عندهم
بصراحه قليل للي يحكم لهم بسكن والزوج يدفع اجاره وكهربه لو علي كذا كان الاغلب تطلق فلوس وسكن بلاش فما اظن ان عندنا كذا
كل المطلقات للي اعرفهم بيت اهلهم
الا اذا ابو العيال شهم وفيه مروه وبخلي عياله بيت حالهم مع امهم ويصرف عليهم بس عاد وينه ذا هو لو كان كذا كان ماتطلقنا من الاساس

احسن شي تستشرين محامي يمكن وضعك غير وضع غيرك لان فيه ناس حصلوا سكن فيه ناس لا
معنتاه ان فيه شرووط اذا انطبقت عليك لك حق علي الزوج بالسكن