انا معي اربع اطفال ولي ٥سنوات اعالج ابي احمل عسى ربي يرزقني
لاتخشين عليهم من الفقر لان رزقهم من ربك مثل مارزقك انتي يرزق عيالك
انا اذا ربي اراد ان شاءالله ودي ٩او ٨ ماهو اقل. لاتفكري بتعب فيهم صغار بس فكري ي كبرتي انتي. ياصارو كثرو يلتمون حولك انا ماشاءالله اعرف وحده عنده عشر بنات غير العيال كبرو البنات وتزوجو ماشاءالله الحين جماعتهم تهبل ماشاءالله من كثرهم. فانصح لاتقولين ٣وبس. فكري لحياتك انتي بعيده

عندي اثنين وحامل بطفلي الثالث واتمنى ٦ او ٧ اذا الله اراد وفعلا رزقهم على ربي بس انا متخوفه من التربية بس ان شاء الله ربي بساعدني
وربي يرزق كل وحده باللي تتمناه 🌷

كل طفل رزقه معه
ومهما عملتي ذريتك مكتوبه لك من قبل لا تنولدين
لكن
النفس البشريه تقلق وتتوتر
وغريزة الامومه تخليك تخافين على عيالك
وتهوجسين فيهم وتشيلين همهم
مابين امراض نفسيه اصبحت تصيبهم وامراض جسديه
يارب اشفيهم واحفظهم
هذا الزمان لم يعد هناك طفوله ابدا
عمر الطفوله ينتهي ب ٣ سنوات
ليه التقنيه تغزي بشكل فضيع
تحاربين محاربه وجهاد
الاغلب اللي فوق ٤ او ٥ اطفال كل واحد معه جهاز
او بلايستيشن وماعندها وقت تراقب وتراعيهم
الاخت مورجانا
ردودك مثاليه زياده تكلمي بواقعيه
التربية اهم واهم واهم
والله لو كل ام تبي تكثر اطفالهم تفتح عينها وعقلها
وتشوف المجتمع اللي حولهم
واقصد الامهات اللي اطفالهم بالمدارس
عالم غريب وعجيب ومخيف
لما يخرج طفلك من محيط الامان والقيم والاخلاق واللي انتي حاطه حدوده
بينما هناك اطفال لا حدود لهم بالنت والاجهزه
ويرون المفترض ما يشوفونه ويعلمون اطفالك اشياء ما يعرفونها
ويتلفظون بألفاظ المفترض لا تصدر من اطفال
وش بتسوين
اللي جايبتهم ورا بعض وصغار مابعد دخلوا المدارس
استمتعي بتشوفين ما يشيب له الراس
وانا لك من الناصحين هذا الزمن زمن شد و حزم ورخي بالتربيه لا افراط ولا تفريط
والله انه جهاد التربيه بهذا الزمان
مع تدهور الصحه الملاحظ في هذا العصر
اللهم احفظنا من شرور الدنيا ومن الامراض والاسقام والاجذام اللهم احفظنا من كل شر نعلمه ولا نعلمه اللهم احفظنا بما تحفظ به عبادك الصالحين اللهم آمنا في بيوتنا واوطاننا وادم علينا نعمة الامن والامان
والله والله والله اننا بنعمه ويجب ان نشكر الله
لانفكر في مستقبل بيد الله
لكن مع ذلك لا افراط او تفريط
واتقوا الله في اطفالكم هم امانه في اعناقكم

بالنسبه لي عندي ٣ ولله الحمد بنت وولدين وودي يكونون اكثر لكن صحتي ماتسمح اولا الولاده الاخيره واللي قبلها قيصري ثانيا انا مسويه عمليه بظهري دسك وصدق العيشه صعبه الحين مو زي اول ومع الضريبه والاسعار طايره في العالي شي صعب مره
وودي ماينقص عليهم شي صعبه لما تطلعين مكان او سوق وعيالك يبون ذا وذا وانتي مو قادرة توفرينه لهم والميزانيه محدوده لو اني اشتغل او لي دخل خاص فيني ماترددت بالحمل الله يرزقنا ان شاء الله

رفع