انا اتمنى يكونو لي خمسه اطفال بينهم يكون سنه يارب يرزقني بالاطفال

3 اولاد وبنتين ان شاء الله العزوة حلوة

5 حلو

صادقه حبيبتي وما على كلامك زود ماشاء الله كفيتي ووفيتي

بس سبحانه بعد يقول بمعنى الاية و لنفسك عليك حق

مو معنى الواحده تقدر تجيب تصير مثل ماكينة الدجاج و كل شوي مفرخه

الزوج له حق فيها لازم تعطي من عمرها لزوجها

تبي لها وقت تتحنى فيه تهتم بجمالها ببشرتها

و الله شوف امي من طلعت للدنيا و هي كل وقتها لنا
تطبخ و تغسل و تكرف و على كبر حطت شغاله

ماكانت ميزانيتنا تسمح

واول اثنين جابتهم بعدين الهمت حبوب قبلي وتاذت منهم

و بدون الحبوب قامت تحمل مسكينه سنة و ترك او سنيتن و ترك

و بالنهاية جالها نزيف حاد و اضطرو يشيلون رحمها و احد المبايض

و الله دوم تقول ما عمري تهنيت ببيت ابوي كرف ولما تزوجت كرف

و الله الحين اذا شفتها بس تتفرج على التلفزيون اقول الحمد لله

امي الله يخليها لنا من النوع الي تحاتي و تدقق و توسوس تبي كل شي نظيف

حتى مع وجود الشغاله ماكو فايده تراقب وراها ولا تخليها تطبخ و تراقبها بغسيل الهدوم

عندها وسواس تقول اخاف ما تغسلهم عدل

يعني الهم و التعب وراها وراها

تقول كبرتو وزاد همكم البنات للحين ثنيتن ما عرسو و الي ما توظف

بعدين الصحابه قبل كانو يستخدمون العزل لتحديد النسل

من قال قبل ما فيه تحديد نسل

شوفو الصحابيات اغلبهم عيالهم محدوين

و الرجال قبل يعددون و كل واحده تجيب عدد معين يعني ما تزيد عن ستة

ام عايشة ام رومان كم جابت عايشة رضي الله عنها و اخوها بس ( حسب معلوماتي)

فاطمه رضي الله عنها كم جابت

خديجه رضي الله عنها كم جابت

يعني ما كانو كل سنة يحملون

كانو يعطون لنفسهم حق

ولا فيه دليل من الشرع ان تحديد النسل حرام اصلن بالمنطق معقوله الواحده كل ساع تحمل؟؟

والله اشوف اختي عندها 3 ماشاء الله جابتهم على كبر لانها تاخر زواجها

و الله مالها وقت تهتم لنفسها توكل هذا و تداوي هذا و تدرس هذا

و تلاحق هذا و تسبح لهذا و اذا تهاوشو تفاكك هذا

و الله حتى نومة الظهر ما تقدر عليها

يناقزون عليها تخيلي

تخيلي تقول ما عندي وقت احط حنه او احط قناع لبشرتي بتقرا الجريده ما يخلونها صياح و هواش

بالله متى بتلقى وقت لزوجها و لحياتهم الخاصه

العيال ما تقدر تهدهم لحالهم بالصاله تخاف يطيحون يسوون شي عيال و يبون مراقبة

و الشغاله ما تراقب من قلب

يعني بتهمل زوجها ولا لا اكيد بتهمله

هذي و هي عندها شغاله شلون بالي ما عندها شغاله

اوكي اجيب حموله بس مو ورا بعض

خل اخذ حقي من الراحه

يعني الي تتزوج صغيره برايي تجيب كل 4 سنين واحد

انا الي خالتهم اتعب من مراقبتهم و توكيلهم و تطليعهم اذا زارونا
شلون امهم و الابو ما يربي الا النادر

تعب و ارهاق و سهر

ودايما امي تقول لو ادري ما جبت عيال كثيرين شالو رحمي و مبيضي و همكم للحين معاي خخخ

الله يشافيها يارب و يقدرنا على برها و تفرح فينا عرايس عاجلا يارب

انا نفسي في >>>> 4 >>>3 اولاد وبنت وحده "" عشان تتدلع مضبوووط

وهو نفسه في >>> 5 >>> يقووول انتي جيبي الاربعه والخامس بندبره >>> يبي يتزوووج علي يحسبني ما افهم


هههههههههههههههههه


والله يكتب اللي فيه الخير والاهم ان ربي يرزقنا بالذريه الصالحه ويرزق كل محروووم ومحرووومه يارب