كم عدد ساعات النوم الطبيعية

ماعتقد فيه ساعات نوم محدده لان الاشخاص يختلفون فيه من تكفيه 8ساعات وفيه من تكفيه 6ساعات وهكذا طبعا بالنسبه للبالغين اما الاطفال فيحتاجون ساعات نوم اطول كل ماقل العمر
بالنسبه لنا الكبار ممكن اليوم ننام 3ساعات ونصحى مروقين وفينا نشاط وممكن بكره ننام 8ساعات وبعده 5يعني حسب ماتنامي وتصحي وتحسين انك شبعتي نوم لكن النوم الزياده متعب يعني يجيب نتايج عكسيه الافضل مهما كان عدد ساعات النوم وصحيتي حسيتي بنشاط تقومي وتسوي اشغالك وممكن تاخذين غفوه بعد كذا
لان الاحظ اني انام مثلا من 3الفجر واصحى 9شبعانه نوم واحس بنشاط لكن ابقى بفراشي اتقلب لين ارجع انام مره ثانيه بعدها اقوم على الظهر مكسره وتعبانه نفسيا وبدنيا يعني لو قمت 9كان قدرت اخلص اشغالي والظهر ارجع اخذ غفوه


ومافيه احسن من نوم الليل لو ساعتين من الليل تعادل نوم النهار كله لان النهار مهما نمتي ماراح تشبعين نوم وزياده تحسين انك تعبانه طول اليوم ومالك خلق شي
طبعا هالشي ينطبق عالحامل وغير الحامل لكن الشخص الطبيعي مو اللي عنده ارق لان الارق يحس الشخص انه ماخذ كفايته من النوم ولو يجلس بفراشه الليل مع النهار وهنا لابد يتعالج