بنات لاتنسون الدعاء ترى له أثر كبير

ويلي ويلاه

وربي قلبتي علي المواجع :(

فعلا قلبتوا مواجعنا----------بس مايخالف الوحدة لاتكلمت وطلعت الالم من نفسها فهذي بداية الانتصار
ومشكورة يامن فتحتيلنا هذا الباب لأننا بنفرح بالفضفضة


أنا مواقفي كثيييييييييييييييييييييييييييييييييرة وطبعا أغلبها مع زوجي اللي هو من عقدني ودفعني للسمنة من كثر مايعايب علي ويقاهرني

من امر المواقف اللي عيشني فيها

مرة كنت أتكلم معاه عن أخوه اللي سفر زوجته لمصر يمشيها واحاول اني احثه يعمل مثله

طبعا انتم عارفين ( كلش ولا السلايف )
وسلفتي هذي اصغر مني بكثير ومامعها الا طفل واحد _ علما باني والله احبها ولا أكن لها لي ضغينة في قلبي

المهم تدرون وش قال زوجي يوم قلت له :شوف اخوك احسن منك ودى مرته لمصر-------

سكت شوي ------------وقال: مين مين اللي ؤاحت لمصر؟؟؟

قلت له بكل حماس (احسبه ماسمعني ) فلانة

قال: ايه لاذي الاشكال اللي تستاهل الواحد يمشيها لاصار جسمك مثل جسمها قولي مشيني

بغيت أموت من القهر قعدت اصيح من قلبي واحتسب والكلام هذا من اكثر من سنتين ولا سويت شي











موقف آخر: مرة قلت لزوجي أبي تجيبلي راسين ملفوف

قال: لييييه؟

قلت : ابي ابدا من بكرى بريجيم شوربة الملفوف

قال: ياما وياما جبنا ملافيف ولاشفنا نتيجة--------------- انتي اللي زيك المفروض ماتعمل ريجيم

المفروض تصومي صيام عن الاكل بالمرة تعيشي عالمية فقط

وللعلم ترى اقصى وزن وصلت له في حياتي كان 93 ولفترة بسيييطة جدا بعد احدى ولاداتي وسرعان مانزلت عنه-------------

ما انتو شايفين ان المسألة فيها تجني؟؟؟؟؟؟؟؟؟؟؟

up

انا صار لي موقف ما راح انساه لأنه حطمني وذكرني بأيام ما كنت رشيقه قبل زواجي لكني بعدما تجاوزت الصدمه جاب نتيجه عكسيه ولله الحمد وخلاني اصمم وافقد 14 كيلو من وزني وما زلت مواصله الريجيم وعزيمتي تقوى يوم عن يوم والموقف هذا للأسف صدر من اختي الله يسامحها :( قبل الزواج كنت انا رشيقه وهي سمينه جدا وبعدما تزوجنا يمكن ما تصدقون لو قلت لكم انها هي صارت تنحف بدون ما تسوي ريجيم وهي الحين لها سنتين متزوجه وصار جسمها روعه ورشيقه اما انا صار لي العكس قبل الزواج كان وزني ما يتجاوز 55 كيلو وبعدما انجبت ولدي الثاني وصل الى 86 :eek: وقررت اني اسوي ريجيم ولما عرفت بقراري لاحظت انها تحاول تحطمني وتقول لي ما راح تنحفين ومستحيل تصبرين وانتي مع كل حمل يزيد وزنك ليش تتعبين نفسك وبعد فتره لما شافتني مستمره على الريجيم قالت لي بصراحه انا ما ابغاك تنحفين لاني كنت انقهر منك زمان تآكلين كل شي وما يزيد وزنك وانا كنت اعاني من السمنه والحين صرت انا الرشيقه ؟؟:(
اول ما سمعت كلامها انصدمت وبكيت وشلون اختي تغار مني وما تتمنى لي الخير لكني بعد فتره قررت اتحداها وانحف وما استسلم لتحطيمها والحمد لله قدرت في شهرين ونصف انقص 14 كيلو صحيح ان نزول وزني بطئ لكني ما مليت ولا يأست والحمد لله ومصممه ارجع رشيقه زي ما كنت واقهرها اكثر لا تظنون اني حقوده لكنها تحدتني بكلامها بدون ما تدري كان على بالها تحطمني بس كلامها خلاني اصمم اكثر واكثر..