والله صراحه انا كـ طالبه في مدرسه اهليه بناتها قليلات ماعمري شميت ريحة طالبه

كل الروائح المخيسه تجي من المعلمات الاجنبيات بدون ذكر جنسيات طبعا

قسسسم بالله ريحة بصل وثوم وعرق وكل الي تبين

عزيزتي ،،،
بالنسبة للطالبات أعتقد المشي في ساحة المدرسة و حصة الرياضة و التنقل من قاعة لقاعة له دور ،،،
نحن صح فمدارسنا لوكرات وكل طالبة عندها لوكر خاص بها تحط فيه عطرها و الديودرن و أشياءها الشخصية بس ما أظن بتلحق بعد كل حصة تهتم بعمرها ،،، و خاصة بعد حصة الرياضة تروح تبدل ثيابها بسرعة عشان تلحق عالحصة اللي بعدها ،،، و الطالبة اللي تركب الباص غير عن اللي اتي المدرسة بسيارة خاصة ،،، فنعذر الطالبات في المدرسة أما إذا يت البنت المدرسة بسيارة خاصة و فيها ريحة بشكل يومي ففي عدة طرق للتعامل وياها أو ويا ولي أمرها ،،،

و ولية الأمر بعد نعذرها يمكن راكبة تاكسي و ما تقدر تتعطر و ما أظن مكيفات التكاسي تمنع التعرق ،،، يمكن تكون ماشية مسافة لينما توصل المدرسة ،،، سبحان الله و المسلم يعذر أخوه المسلم بسبعين عذر ،،،
من يومين كنت أتكلم ويا الوالدة فنفس الموضوع و أقوللها هاي ثالث عباة ألبسها اليوم ،،، و السبب الحر و العرق ،،، يعني مثلا أنا ما أقدر أتعطر لأنه في أولياء أمور رياييل يوصلون عيالهم المدارس و ينتظرونهم داخل المدرسة ،، و فيه سيكيورتي و أكثر من واحد أمر عليهم فدربي من باب المدرسة لقاعة الاستقبال ،،، أتروش في البيت و أطلع لمدرسة بنتي لكن لينما نوصل البيت أحس إني عرقت الصراحة ،،، يشمون ريحة عرقي و لا يشمون ريحة عطري و أستأثم ،،، ههههههههههه ،،،
أنا كولية أمر لما اروح آخذ بنتي من المدرسة مب كل يوم أكون ياية من البيت للمدرسة مباشرة ،، أحيانا أمر السوق و إلا الجمعية و إلا العيادة و إلا مدرسة ثانية و إلا و إلا و إلا ،،، سبحان الله كل حد و ظروفه ،،، أذكر مرة تأخرت شوي و كنت عطشانة و كنت متروشة لكني و أنا أركض صوب السيارة مريت المطبخ خذت لي عصير ،، حسيت إني طابخة الأكل بالعباة اللي لابستها ،،، و قلت كيف بروح المدرسة بهالريحة ؟؟؟ مع إنها ثواني ،، بس بعدها قلت بسير واللي بيصير يصير ما عندي أوقت و أبغي أعدي الزحمة اللي في الشارع و مدرسة بنتي بعيدة عنا و ما ابغي أتأخر،،، يعني تخيلي لو وقفت و كلمت مدرسة فهاليوم و شمت ريحتي شو بتقول ؟؟ ،،، هههههههههه ،،، لكن هي ما تعرف الظرف اللي أنا مريت به و شو سبب هالريحة ،،، والله يحفظج و يحفظ عيالج و يديم نعمه عليج يا رب و على كل الخوااااااات يا رب ،،،

انا مدري ليش متحسسين البعض من موضوعي
وعلى طاري الاسئلة اشوف بهالقسم كثير مواضيع فيها اسئلة واجاباتها
كم مرة تروحين لحمولتك وكم مرة ترقصين لزوجك وهلم جرا

طبعاً اتسبح كل يوم النظافه من الإيمان

واستخدم مزيل للعرق وانظف المناطق على طول اول مايطلع الشعر ماخلي شي

اتعطر بعد السبوح واستخدم لوشن

واسناني بعد كل وجبه افرشهم وقبل النوم وأول ما أصحى

النظافه من الايمان ..

بالعكس الواحد لمن يتسبح يحس نفسه نظيف وبجسمه نشاط مهب طبيعي ...

انا يوميا اتسبح .. وقبل يوم ايوه ويوم لا...

هالايام يوميا لاني كل يوم اتمرن واسوي رياضه.. والجسم يعرق..

والحمدلله والله بشهد من قبل الزواج ولليوم احب اعتني بجسمي ونظافتي ,,

وديدرونت شي اساسي.. مهب بس المزيل حتى الشبه اتبيض واتنظف ..

والحف .. لازم كلما طلع.. لازم الوحده تتنظف اول باول ..

ولفرشاه والمعجون.. للامانه ثلاث مرات في اليوم,, ...

ويعطيج العافيه حبيبتي صاحبة الموضوع ..