كم مرة تشترون أكل من برا؟؟

مع أني ماأحب الأسئلة اللي تتدخل في خصوصيات الآخرين
بس من الحرة اللي فيني
أبي أعرف كل متى تتعشون برا أو تشترون من برا؟؟
لأني اليوم صارت لي مشكلة على طبخ العشا
وأنا أقول خل نشتري من برا تعبت من المطبخ
وهو يقول وش فايدة الزوجة اللي ماتطبخ لزوجها؟؟
أنا صابر عليك
وانت ماتطبخين
والمفروض أتزوج عليك وحدة تطبخ لي
والمفروض أهلك قالولي يوم خطبت أنك منتب راعية مطبخ
وانك حقت دلع ورقص وكشخة وبس
ومن هالكلام اللي يجرح
وما كأني كل يوم أصلح غدا وعشا وأحيانا حلا أو شي ثاني
والله اللي يسمعه يصدق اني ماأطبخ له
والمشكلة الثانية
أخاف انه يقعد يقول لأهله هالكلام ويصدقونه
لأني ما أستبعدها عليه أبدا(لأنه قد اعترفلي مرة بهالشي)


والله تعبت
ما يحق للوحدة تاخذ اجازة من شغل البيت
لو يوم في الاسبوع
(مدري وش غيره هالفترة كأنه يبي يأدبني ..
مع انه قبل دايما نشتري من برا أو ناكل شي خفيف
بس هالمرة أحس فيه أحد وازه علي وصاير يدقق على كل شي)