كم مره اشرب بنتي ماي فاليوم؟

وأنا مثلك بعد ودي اعرف ؟؟؟

سبحان الله .. اليوم اسال نفسي هالسؤال !!
لان بنتي عمرها شهر ونص تقريبا .. ماشربتها الا مره وحده.. وتو جربت مارضت !!

بنات حيل ضروري الماي
عشان الكلى وعشان عيونها تثبت ماتحول والله جد ترى
حيل ضروري الماي
ترى الجسم يحتاجه
مثلا عطيها ماي عقب كل رضعه شوي او عقب الاكل منها شربت ومنها نظفت حلجها من البقايا عشان ماتطلعلها فطريات

لازم دوووم تعطينها ماي :( حرام امخلتنها جي الله يرضى عليج..
انا كنت نفسكم بس امي قالتلي انه النونو اللي يرضع على طول بسسس طبيعي عادي تقدرين تعطينه مره او مرتين ماي لأنه سبحان الله حليب الأم ايشبعه بالماي بعد.. بس يحتاج شوي ماي..

اما اللي تدخل الرضاعه الصناعيه في رضاعته يحتاج للماي أكثر.. لأنه سبحان الله الحليب الصناعي ايعطش الطفل فيحتاج تقريبا عقب كل رضعه او بين الرضعات.. على حسب قبوله للماء..

واللي عمرهم تقريبا شهر حطوا في الماي شوووووي سكر نبات وعقب خففوه شوي لين الماي العادي..
واللي ما يرضى يشرب ماي نفس الشي.. اعطوه اول شوي مع سكر نبات وعقب ماي عادي..

اختي الماء ضروري جدا للاطفال حتي لا يحدث لهم بعد الشر جفاف وكمان مفيد للكلي ولهضم الطعام حاولي بعد كل رضع تعطيها مره وبين الرضعات كمان لاننا بالصيف والجو حار جدا
وبالنسبه لانها رافضه الماء ممكن تديهولها في الببرونه او بالقطاره
وكمان ممكن تديها العصائر الفريش الغنيه بالماء
وربنا يحفظها ويحفظ اولادنا جميعا