كم مره تزوري أهلك

اهلي بعيد مو بنفس المدينه بس بين فتره وفتره اهم شي احضر الاعياد معهم ومناسباتهم وزيارتي لهم تكون يعني كل شهرين ثلاثه اذا سمحت الفرصه

كل نهاية أسبوع
بينا وبينهم نص ساعة بس

اختي بمدينه تبعد حوالي 6 ساعات
تجي كل آسبوعين تقريباً

اول كنت بايام المدارس اروح كل خميس واحيانا كمان جمعة
بالاجازات مافي وقت محدد
متى مابغيت رحت
احيانا كل يوم واحيانا كل كم يوم
الحين بعد ماتوفت الوالدة ماعاد بقي احد في البيت
فصرنا نروح انا واخواتي كل كم اسبوع او نتجمع ببيت وحدة من اخواتي
وطبعا زوجي يوديني ولا يفكر حتى انه يمنعني من الروحة
حتى لو مشغول رحت مع وحدة من اخواتي
ولا اخذت اوبر انا وعيالي ونزلت

ف البدايه كنت اروح كل اسبوع وف الاجازات اروح واقعد كم يوم عندهم وزوجي الي يوديني الحين بعد ماكبرو عيالي وابتعدنا شوي عنهم صرت اروح كل اسبوعين وابيت
والحين لهم كم سنه راحو منطقه ثانيه ولااروح لهم الا بالاجازات واطول من ثلاث اسابيع لشهر احيانا واعيد عيد واحد معاهم