الله يخليلي ولدي هواالي يطلعني اقضي للبيت تجي ايام اطلع مرتين باليوم اما تماشي لا حبيبتي الطلعة بالشهر يمكن مرة او مرتين لان ضروف عملة ما تسمحلة هذا غير انة مثل اغلب الرجال مايحب الطلعة من البيت

كنك جارتي تقول لي مرة زوجها يهاوشها ويقول خليكي مثل جارتك ام فلان الي هي انا ما عمري شفتها طالعة من بيتهم وانتي كل اسبوع طالعة
سرت مضرب للمثل وانا مدري مع اني اموت بالطلعات ودي كل يوم بس زوجي واعدني يطلعني كل يوم اذا تقاعد ههههههههه

والله على حسب واحاول اختار الا وقات اللي يكون مرتاح فيها حتى بعد دوامة

يعني اروح السوق او نسافر

يمكن زوجك محتاج تقدير شويه يعني انا زوجي اذا كان مداوم فترة طويلة اوقات
ما يكون عنده اجازة اقوله خلينا نرتاح ما نبغى نطلع اهم شيء راحتك

وفعلا ما يقصر اذا كان فاضي نروح على كيفنا ما شاء الله

ولان زوجي عمله واجازاته تتغير كل فترة فمو شرط نطلع الخميس

والله يوفقك يا رب ويهدي زوجك ويحفظكم

انا اطلع في الاسبوع 4 مرات وبعضالاحيان 3مرات
بصراحه كنت مثلك ما اطلع الامره فالاسبوع يهاوش ويتكلم وانا انخرس ماتكلم احسب نفسي مقصره ومزودتها
وهو عرف نقطة ضعفي وكنت لازم المح وامهد للطلعه لدرجة حتى يوم الاربعاء يهاوش موقف ما انساه كان عندنا زواج عمتي
وبعدها بنت اخوه وبعدها عمي وخيرني اروح لواحد بس :(
بعدها صرت افكر واشوف اختي وبنات خالتي وحريم اخواني ماشاء الله الوحده على طول طالعه وزوجها على قلبه زي العسل
قلت مابدهااااااااااااااش وش هم احسن مني فيه وانا ماشاء الله بدون مدح يعلم الله معروف عني بنظافتي
واهتمامي فكل شي
قلت الموضوع يبغاله وقت بس لازم ابداء وصرت اقوله على بلاطه اليوم بروح لاهلي او اختي او مسيار
ما اعطيه فرصه فالبدايه تعبت معاه
لكن الحين الحمد لله ارتحت واطلع حتى نص الاسبوع وكل وقت
الله يعينك حاولي ولا تعودينه وفنفس الوقت راعي ظروف عمله

والله يالغالية 000 انا اكره الطلعة من البيت ايام دوام الاولاد عشان مذاكرة ولدي ( الله يخليه لي طالب تحفيظ ) واخاف يتراجع مستواه
مااطلع الا يوم الاربعاء لاهلي وماحب انام عندهم 00

والخميس اذا فيه زيارة قريب او صديقة او مناسبة عائلية ، اما وسط الاسبوع لايمكن اغير من جدول عيالي ، ولعلمك زوجي ابد مايعارض طلعتي بس انا احب اعود اولادي على هذا النظام عشان يتعودون جلسة البيت ، ترى والله الحياة تتنظم انا اشوف الطلعة ايام الاسبوع تضيع الوقت والعيال وابوهم بعد يعني الصباح دوام والظهر راحة وقيلولة ، اقوم اجي بالمساء اطلع بصراحة مرة ماارتاح

هذي وجهة نظري والحمد لله متعودة انا واولادي ومرتاحين 00

انا اموت من الطفش لو قعدت يوم كامل ماطلعت
يمكن اطلع في اليوم مرتين ثلاث عادي ماعندي مشكله ههههههههه
خرمانه سياره ماعاد ابي انزل منها وزوجي خلاص تعود وغير كذا الخميس والجمعه استراحات مع زملاءه