فتكات فتكتك :

شوفي عنوني أول شيئ حلو انج تعرفين فلوسج وين تروح بالضبط ... يعني في شو تنصرف بالتحديد فتسوين دفتر صغير لحساباتج .. تسجلين فيه كل ريال في شو انصرف بهذي الطريقه لما ترجعين بعد فتره تشوفين الدفتر بيصير عندج وعي ليش فلوسج ما تكفي بتكتشفين ان فيه اشياء اساسيه اخذتيها واشيا ثانيه مو مهمه ممكن في المستقبل تستغنين عنها وبعد بتكتشفين اشياء بسيطه ومو مكلفه بذاتها ولكن كثر مرات الصرف عليها خلى نسبه مو هينه من المصروف تروح عليها بهذي الطريقه بيصير عندج وعي باللي تصرفينه وفي شو انصرف.. لأن حنا كثير اوقات نشتري ونصرف وما نعرف وين راحت الفلوس وننسى شغلات وتفاصيل تأثر ممكن وقتها تعدلين في عاداتج الصرفيه والشرائيه ( كلنا عندنا هذي العادات << يا شين الفلسفه الزايده بس خخ) مثال: أشتري كل يوم 4 بيبسي .. غير انه مضر بالصحه تراه خسارة مصاريف لأن 4 ريالات في 30 يوم (شهر) = 120 ريال عرفت ان هنا عندي خلل في الصرف اذا ما اقدر امتنع عن شرب البيبسي فعلى الاقل اقلل منه قدر الامكان مثلا اشرب واحد بيبسي يصير الصرف ريال في 30 يوم = 30 ريال وفرت 120 - 30 = 90 ريال ( حلوين) وهلم جرى ثاني شيئ : 1- اعتبري نفسج موظفه وهذا راتبج الشهري اللي تعبتي واشتغلتي وسويتي واجبج الاسري عشان تكسبينه بعرق جبينج ولازم تصرفينه صح الموظف يخصمون من راتبه للتقاعد او لمكافأة نهاية الخدمه وبما انج موظفه خصمي هذا المبلغ من راتبج ( مصروفج) والخصم يكون على نسبه معينه نقول 5% ( 1000 ريال * 5) تقسيم 100 = 50 ريال هذا مبلغ التقاعد يعني كل شهر لما تستلمين الراتب اول شيئ تاخذين ال 50 ريال على طرف وتحطينهم في مكان خاص مو مع باقي الفلوس لا حطيهم في علبة التقاعد وتنسين هل الفلوس نهائياً وما تصرفين منها لانها مما ينطبق عليه المثل القائل الئرش الابيض ينفع في اليوم الاسود الله لا يجيبه لا علينا ولا عليكم .. اللهم آمين وهو مبلغ بسيط نسيانه مو صعب وما بيأثر على الميزانيه لكن بيضمن انج كل سنه راح توفرين 600 ريال (حلوين) 2- لابد من استثمار جزء من هذا الراتب بطريقة تعود عليج بالربح وتطرح البركه في فلوسج وهنا يجي دور الصـــدقـــــــــه وهي خير استثمار: عودي نفسج شهرياً بعد ما تستلمين راتبج وتخصمين نسبة التقاعد على انج تخصمين مبلغ الصدقة وقبل حتى ما تصرفين راتبج على أي شي ثاني حددي مبلغ بسيط تقدرين عليه شهرياً وتصرفينه كل شهر بحيث يصير مبلغ ثابت .. بهذي الطريقة ما راح تنسين تتصدقين وما راح تلقين نفسج تقللين المبلغ إلى ان تبطلين نقول حددتي للصدقه 50 ريال .. مبلغ مو كبير ولكن يساعد ناس محتاجه ومو هين.. مريح صرفه شهرياً والمواظبه عليه 3- باقي عندج 900 ريال هذا هو راتبج ومصروفج الفعلي .. يعني المبالغ اللي فوق لا تفكرين فيها من ال 900 مثلاً حددي 300 ريال لصرفج الشهري .. احتياجاتج ولوازمج ومثلاً اذا انتي عندج جوال وانتي تدفعين له يبقى 600 ريال .. هذولا حطيهم في علبة التوفير متوسط المدى وحاولي ما تصرفينهم اول بأول .. لا خلي المبلغ يزيد وحسي فيه 600 ريال * 12 شهر (سنه) = 7200 ريال ما شاء الله مبلغ حلو ممكن تخلين المبلغ يتوفر على سنه أو على الاقل على ست شهور وبيكون 600 ريال * 6 شهور = 3600 ريال هذا المبلغ هو اللي تشترين منه لبسج .. عطورج .. مكياجج وحاولي ما تشترين الا اللي فعلا ضروري .. فيه احتياجات ورغبات اشتري كل ما تحتاجينه ولكن لا تشتري كل ما ترغبينه ولست بحاجة حقيقية إليه واذا زاد منه مبلغ او حسيتي احتياجاتج اقل ممكن تعملين بوكس للتوفير طويل المدى وتحطين فيه الفائض وان كان بسيط .. ريال على ريال = ريالين وهكذا تزيد الريالات وريال ينطح ريال^__^ لا تعودين نفسج تشترين ميك أب وعطور وملابس شهرياً .. مثلاً مرتين بالسنه كافي .. ولما المبلغ يكون اكبر وانتي ماخذه وقتج في التفكير باللي فعلا انتي تبينه ومحتاجه له بتشوفين ان المبلغ كفى وزاد .. وممكن وانتي تشترين فرضا لبس .. تخلين بعض اللبسات للعيد أو انج تقسمين ال 600 اللي في الاعلى بطريقه ثانيه 400 ريال توفير متوسط المدى ( هههههههههه عاجبتني الكلمه) عادي 400 * 12 = 4800 درهم في السنه و 200 ريال توفير متوسط المدى عيدي (يعني لاحتياجات الاعياد) و200 * 12 = 2400 درهم في السنه أو انج تقسمين مبلغ التوفير المتوسط المدى العادي والعيدي بالطريقة اللي تناسب احتياجاتج اكثر حبيت اني اعطيج بعض الافكار واتمنى اني اكون افدتج ولو شوي ودمتم سالمين

شوفي عنوني أول شيئ حلو انج تعرفين فلوسج وين تروح بالضبط ... يعني في شو تنصرف...