انا وزوجي وثلاث اولاد مصروف البيت تبع المقاضي 800مثل معلبات خضار رز سكر الى اخره 1200ومصروف يومي بقدر 40 ريال يعني مصروف البيت 2000 واحيانا اوفر من 40 بذات اول الشهر لان البيت فيه كل شي واذا نقص خضار او فواكه نشتري من التوفير
مصروفي الشخصي 500وداخله جمعيه منه 300ومصرف الاولاد 500
1000فواتير مويه وكهرباء وتلفون وجوالات
3100قصد شهري
250لصندوق العايله
300للسياره بنزين وغيار زيت
1000جمعيه لزوجي
تقريبا يتوفر 1500
اذا سلمنالمشاكل والضروف الخارجيه يبقى لاخر الشهر مبلغ محترم
والضروف الخارجيه ضيف يجي فجاءه اوسياره تخرب اوشي في البيت يبغيله تصليح او لاقدر الله احد يمرض ويحتاج مستشفى خاص الا بالعاده نتعالج في العسكري
ملاحظه يابنات والله ماقدرنا نتحكم براتب الا بعد ماسوينا ميزانيه شهريه ونقدر نوفر من الراتب احيانا اوفر من مصروف البيت واحيانا اذا مانحتاج نتقضى انا والاولاد ملابس او اي شي ثاني اوفر من مصروفي ومصروفهم واحيانا يتوفر من مصروف الفواتير لانه موشهريا 1000بس احنا حاطين 1000احتياط
والصدقه تبارك براتب ولو بمبلغ بسيط
ادعولي يابنات ان يكون مابرحمي سليم معافى تام الخلق والخلقه

**** يعين على هذة الدنيا بس انصح كل حرمة تبغي البركة في راتب زوجها انها تسوى حصالة في غرفة النوم وكل ماصحت الصباح هى وزوجها تتصدق فيها لو بريال واذا زوجها راح لصلات الجمة ياخذالصدقات معاه ويتصدق و**** تشوف البركة ويفتحلكم **** باب رزقة

راتبنا مايبقى منه الا 1000 ريال كله ديون
انا وزوجي وطفلين وش تكفي الف ايجار بيت اواقساط سيارة
او مقاضي بيت اومصروف مدرسة مدري والحمد لله الدنيا ماشيه
احسن من غيري
مالي مصروف ولا لعيالي السوق ما اعرفة الا بالاعياد مرة نقضي وعشرة لا
ابغى وظيفة باي طريقة

ايش دا !!!

بصراحه لو انا مكانك وربي ولا ريال طالما الراجل اتجوز وفتح بيت هوا اللي يتحمل مسؤليه اومقاضي وطلبيات وعيال

بلا كلام فاضي ترا مرررره قهرتيني

انا جوزي راتبو 16الف

مقاضي البيت مااقدر اقول شهريا لأنو نفضي لأكتر من شهر وخاصه ادوات النضافه او الاشياء المفرزنه زي الدجاج واللحم والسمك والمعلبات من 100 الى 1500ريال بالإضافه للحاجات اللي لازم كل يومين تلاته زي العيش

خضار فاكهه

500ريال شهريا حليب وبامبرز بناتي الاتنين

مصروفي 1000 ريال وجوال 300 ريال حد ائتماني ماتزيد عن كده وعندي جوال تاني شحن أنا احيانا اشحنو واحيانا هوا

جوالو نفس الشي 300ريال حد ائتماني

الكهربا 300 ريال

تلفون البيت 300 ريال

شغاله 1300ريال

مسشتفيات بصراحه أروح في الضروره القصوى بالنسبه لعيالي دكتورهم الكشفيه عندو 200ريال وما أوديهم عندو الا في الشديد القوي زي مايقولو غير كده اوديهم المدكل حق الخطوط حتى تطعيماتهم سرت اروح هناك

انا الحمد لله الله لايحوجني لمستشفيات بس لو حسيت محتاجه برضو اروح مستشفيات ويعملو خصم للخطوط السعوديه غير كده زي عيالي لو سخونه زكمه الله يخلي المدكل حتى الادويه ببلاش عندهم

حارس العماره عشان يغسل السيارة ويشيل الزباله الله يكرمكم 100ريال

مصاريف سياره مااعرف عنها شي

طبعا ام الجوز منفصله عن الاب كل واحد عايش لوحدو ويوصلو مصروفو

مصروف ام الجووووووز 800 ريال+ايجار بيتها بالمشاركه مع اخوانو

ابو الجوووووز 500ريال فقط وساكن مع بنتو الكبيره منفصله هيا كمان

عندي بس ولد واحد يروح المدرسه تقسط كل شهر تقريبا 1700الى 1900 ريال لأنو السنه هادي دخل سنه اولى 20 الف السنه

الحمد لله عدى الترم الأول على خير وباقي اقساط الترم التاني..

عيالي مالهم مصروف شهري بس لو ابغى اي شي لهم اخد من جوزي او نخرج انا وهوا نجبلهم ... بس بحكم شغل جوزي ورحلاتو بإستمرار وغيابو عن البيت بالأيام لازم يخليلي مصروف للعيال حق الكم يوم

اللي يغيبها احيانا 200 واحيانا 300 ريال لانو سبحان الله احيانا نحتاج شي او مدرسه ولدي احيانا يطلبو طلبات فجأه وغير كده تعرفو العيال وطلباتهم وخاصه لمن اروح بيت بابا او اخرج مع ماما يبغو ويبغو ويبغو طلباتهم

ماتخلص الله يحميهم

وطبعا انا عندي دخل تاني غير المصروف بشتغل من بيتي والحمد لله بطلع اكتر من اللي يعطيني هوا جوزي

وايجار البيت بيدفعوا بالسنه 25 الف لأنو بموظف في الخطوط وبياخد بدل سكن كل سنه 18الف ريال بيزيد عليها ويدفع ايجار سنه كامله

وصاحب العماره الحمد لله متساهل معانا لأنو صاحب بابا مابيقول شي لأنو كتير اصحاب عماير مايقبلو بالسنه لازم كل 6 اشهر

طبعا عشان جوزي اخد قرض من البنك يوم اتجوزنا 200 الف ريال والبنك ياخدو من راتبو شهريا 5الالاف ريال وشويه بس الحمد لله

هانت هادي السنه 2012 ان ربنا احيانا اخر سنه للقسط(العيد عيدين ) تخيلو من يوم اتجوزت سنه 2004 وهوا يفحط في الاقساط

طبعا لاعندنا سفرات ولا هم يحزنون مني من الناس اللي اسافر كل اجازه واصيف برا لمن اطلب من جوزي يقللي لمن يخلص القرض على الرغم انو عندنا تزاكر مجانيه ومخفضه سنويا بس يقللي مصاريف السفر كيف؟؟؟

ونزهاتنا وفسحاتنا المطاعم كتييير بصراحه نروح مطاعم في الشهر اكتر من 5مرات

اخرج عيالي العبهم وافسحهم كل اسبوع

طبعا انا من الناس اللي ماقضي لنفسي كتير مررررره نادرا مااشتري بلوزه او بنطلون او شوووووز

مناسبات العيله او ولاده او او او اخد من جوزي بس طبعا مهي كل شهر المناسبات هادي

وعلى فكره انا حتى شهر عسل لمن اتجوزت مارحت ..كلوووو مؤجل الى ان ينتهي القرض

معليش طولت عليكم بس كنت حابه اوضح يمكن مصاريفنا كتيييييره بس احس احيانا راتب جوزي في بركه يمكن لأنو رضي والدين اكتر

مما تخيلو

لأنو طلبات اهلو ماتخلص سواء الاب او الأم دي مشكله الوالدين لمن بنفصلو وعلى الرغم انو الام مهي بحاجه للمصروف اللي بيعطيها

هوا ولدها بس من الحموات اللي تحب تحلل هيا تعمل اشياء للحفلات وعندها محلات في كزا مول يعني دخلها احسن مني ومن غيري

ومن الناس اللي تسافر كل اجازه برا السعوديه وتطلب مصروف للسفر واشياء ماتتخيلو على الرغم من تفاهتها بس تطلبها من ولدها

لكن فوووق دا كلو الحمد لله مليون الف مره عايشين ومتهنين بالراتب لأخر قطره