صراحه موضوع حلو وصراحه انا مستغربه موت من هالاسعار !!!!!

صدق ان في السعوديه ارحم انا بتكلم عن بوظبي والوسط الي عايشه فيه والحين وايد مضيقين عن اول

نحن الاعراس يا حجز في الفنادق وهذا نادر او في خيام وهذا اعم وطبعا البداد ويسون 2 خيمه اذا

كان على يومين الاربعاء ريايل والخميس حريم تكون وحده الي تطلع فيها العروس وما تكون اقل من 300 الف

درهم بدون الكوشه والخيمه الثانيه للاكل . والكوشه تكون في 50 الف درهم وطالع حسب المطل, والعياله الفرقه

للريايل من يوم الاربعاء الدق لين يوم الخميس فليل ويخذون مش اقل من 60 الف ونفس الشي ايبون يوم الاربعاء

فرقه او مطربه حسب اذا كان العرس اسلامي ولا اغاني يوم المكسار الي يطلعون فيه سمان وذهب العروس ويدقن

لين يوم الجمعه عند الغداء يعني بعد مش اقل من 30 الف وحسب الي يحجزونها . اا عن مهر العروس هذا غير

عن الي تشتري سمانها منه هذا ما حد يطلبه على اهل المعرس واذا ما حطوا ما حطوا بيكون اقل شي 50 الف

وبعدين يعطون العروس اقل شي اقل شي 200 الف الى 350 الف وحد وصل 500 الف وتشتري اغراضها الخاصه

من فستان العرس وقمصان نوم وغيره طبعا بس اغراضهاالخاصه اما الذهب على اهل المعرس خارج المبلغ الي

عطوه العروس والعطورات والبخور مال العرس للحريم على هل المعرس اما الذهب يكون الطقم الكبير الالماس

الابيض مايقل عن 300 الف مستحيل وساعه كامله الماس ماتقل بعد عن 100 وشوي الف والدبله هذا الي بتلبسه

يوم العرس وبعدين بتوكن فيه ساعه ثانيه نص الماس يعني مش كامل بس من داخل ونص الصنقل وثالثه جلد وتكون

بعد الماس وبعدين يكون في طقم الماس اصغر من مال الزواج بشوي ويكون فيه روبي احمر وثالث يكون اخضر

غير الختم والاساور والقلادات يعني العرس كامل يكلف بلاوي والريال ما يخصه ابويه يدفع كل شي عنه لا ديون ولا

شي بعد ما يتزوج يتدي يكون حياته هذا الي اذكره معني ما عرسة بس كل اهلي مشوى على الترم هذا في حد اقل

بس مش بوايد وحد اكثر وعلى فكره كله هذا اهل المعرس ايبونه ولا يطلبون اهل العروس اي شي ونحن في العائله

اذا انخطبت البنت يكتفون بالي يعطونه اهل المعرس وابوها يزيد على الفلوس يعني اهم شي الدين ام الفلوس اذا

ما عطوها اهل المعرس ابوها بيتكلف بكل شي هيه في خاطرها فيه لان وحده من بنات عمي خذها واحد على قد حاله

ولكن عمي ما قصر بالعكس يوزها مثل الباجين الماس وجخه وكل شي تتمناه واخر شي اقول يا بنات الحمدلله ان

الاسعار في نزووووووووووول وين الاعراس كانت تكلف قبل قي 5 الى 6 مليون وحد اكثر الحين باديه تنزل وبشكل

سريع وهذا الي انا اشوفه انشالله بس ما حد ياخذ في خاطره من كلامي انا انقل وااااقع وانا انشالله اذا عرسة ما

بسوي جيه بحاول الفلوس هذا بدال ما تروح في خلق واشيء مصيرهاالزباله احطن في البنك اوفر بس ما بقصر

على عمري :)
,

الله يعطينا ويعطي الباقيات في الإمارات ولد عز إنشالله مب ولد فقر شرات شباب هالأيام.. اللي عندنا في دبي الغالبية منتفين ويفشلون يوم بيوون يخطبون الواحد ما عنده شي مادري ليش ياي يخطب والمهر اللي بيدفعه بيطلع قيمته بعدين منها..أنا لين ألحين صامدة بشوف جان بيتحسن الحال وأتزوجلي غني وأستقيل وأفتك من الشغل وقرف الدوام...هالأيام أشوف الواحد بس يبا حرمته هي اللتي تدفع وتصرف وتشتري سيارتها بروحها وتدفع حتى حق البشكارة مادري شفايدتهم من جذي مب لاقين حد عدل كلهم يسدوون النفس...ولاتزعلون يا بنات من كلامي بس هذا الواقع اللي عايشة في مستوى راقي ما تبا واحد تعبان..

لا يا اخت ديباجه شباب دبي الحين الي صاروا منتفين ويفشلون لا اسمحيلي انتي عاد غلطانه في هالشي
المشكله في اغلب البنات لانهم يحبون المظاهر وما يراعون الشاب حتى لو كان خلوق المهم عندهم الماده :mad:
وبعدين انا ما اشتغل ريلي حاطلي سياره وخدامه من نفسه وانا الي اسوقها والله عطاني على قد نيتي لاني ما كنت اتشرط واقول لازم يكون غني ( مع ان فيه اغنياء تقدمولي ) بس انا ما افكر في الماده ولا الشكل المهم الجوهر
مع اني بيت اهلي كنت اسوق سياره وعندنا خدم بس الواحد لازم يحمد ربه على كل شي .

وعلى فكره انا اعرف وحده كانت اتقول انا ما بتزوج الا واحد غني يحطني في بيت طابقين وسياره فخمه
ويوم تزوجت ما حصلت من هذا شي كله اللهم الضرب والاهمال لانها بدال ما تدعي ربها انه يرزقها بالزوج الصالح
فكرت بالفلوس بس .

السلم حبيبتي يمكن إنتي ماشاالله ريلج زين وعطاج السيارة والخدامة وكل شي والله يزيدج من نعمه إنشالله لكن أصابع إيدج مب واحدة خاصة الجيل اليديد من الشباب ما عندهم شي واللي عندهم مب لأهلهم لسياراتهم وخربطانهم وسفراتهم..لكن والله إلتفتي حواليج بتشوفين.. مادري يمكن إنتي ما لاحظتي أنا وياي اللي في الدوام جذي وخوات صديقاتي وأختي وبنات خالتي وعماتي كلهم حصلوا رياييل لكن للأسف مافي تحمل للمسؤلية الحريم هم اللي يدفعون للخدم حتي السيارة هم اللي اشتروها بفلوسهم وريايييلهم ما ساعدوهم في أي شي وكله ما عندنا وخذي قروض من البنك..لأنه في منهم يستغلون إن الوحدة تشتغل عيل لو يالسين في البيت جان ما شفنا منهم فلس واحد..وإنتي تقولين المظاهر والمادة أقولج مب لدرجة المبالغة لكن الشي المعقول أنا أقصد يعني لو كنتي عايشة في بيت أهلج معززة مكرمه هل تقبلين إنج تعيشين في مستوى نازل ولو تشتغلين وراتبج كل شهر 8000 ولا 7000 ويقول إستقيلي وبعدين يعني بس يعطيج في الشهر ألف أو ألفين درهم ولا تشوفين منه حتى هدية ولا شي ومجتمعنا يلاحظ هالأشياء..صح نبا الريال الزين بس بعد الفقر شين يعني لو دخل الفقر من الباب طلع الحب من الشباك..

يا جماااااااااااااااااااااااااااااااااااااااااااااااااااااااعه هدو شوي

ترى النااااااااااااااااااااس مستوياااااااااااااااااااااااااااااااااااااااااااات وحد عنده وحد ما عنده

ترى صحيح الريال يعرس بفلوس ابوووه ويخسر ولكن عقب يعتمد على عمره خلاص والوحده ترضى بالمقسووووووووووووووووووووووووووووووووووم

يعني صحيح ان الريال المرتااح غير عن ولد الي مستواهم نازل بس والله والله وهذا الي اشوووووووووووووووووووووووووووووووووووووووووووفه كل ما كثرت الفلوس اختربوا العيال وهذا واقع اشوووووووووووووووووووووفه والله يا بنات الي بيها راعي دييييييييييييييييييييييييييييين تاخذه

الحين نحن صح في مستوى مادي ممتاااااااااااااااز ولكن الحين نص البنات في العئله خذن اقل مستوا وبوااااااااااااااااااااااااااااااااااااااااااااااااااااااااااااااايد بعد تدرون ليش عشااااااااااااااااان يشترن راااااااااااااااااااااااااااااااااااااااااااااااحتهن مع المدين والتقي والي يخاف الله فيها

الي مستوها عاااااااااااااااالي عادي تاخذ الاقل ابوها اكيد ما بينساااااااااااها
وانا الحين والله ثم والله تقدمولي حد في مستوانا وحد بعد اكبر وبوووووووووووووايد

يعني عادي يحطووووون لقب جدام اسمي فاهمين عليه بس والله ما رضيت لاني كم مره بعيش في الدنيا
بخذي واااااااااحد راعي دين وتقي ويخاف الله فيه والولد فديته ما بيقصر فيه ابدا وفي العايله لو معاشه

1000 درهم وراعي دييييييييييييييييييييييييين وخلوق والبنت تباااااااااااه والله يوزوووووونه وما حد يطلب عليه ابدا
ابدا ابوووووووها ما يقصر فيها وينتهي الموضوع مش كل شي الفلوس والله مش كل شي .

واقول للبنات ترى الشباب ما يملكووووووووون الي عندهم الحين من اياااااام الطفره والفلوس صارت صعبه
مب شرات قبل وما حد فقير كلن ياخذ معااااااااشه وكل وحده تحاول تتاقلم مع اي وضع انا اذا ياني انسان زين

ومدين والله ابيع ملاين الدنيا عشااااااااااااااااااااانه والله ان الماده ما تجلب السعااااااااااااده اقولكم مثال ومن واقعيه
الي اعييييييييييشه .

1_ لبس تشترينه بالالوفاااااااااااااااااااات اول اياااامج تفرحيه مع الوقت بتحسين عااااادي انتي والي لابسه 100 درهم وااااحد ومصيره وين يالهلال الاحمر يا زباله والحين الحمدلله الي هداني الي عندها ذووق بتعرف مهما كانت
امكانياتها وانا باديه على الدرب هذا وانشالله اتغير ادعولي لان وايد اسرف بس الحين احسن .

2_ العطووووووووور دهن العوووووووووود الغالي جدا مفعوله مثل الي يبيعه اجمل ب1200 التوله مادري شسمه
منوه بيعرف ان الي عندج تولته ب10000 درهم يعني وفرنا وايد صح الفرق ان هذا يطول اكثر ما في شي ردي حطي من يديد صح .

3_ الساعاه خذتيها بالوفااااااااااات مالفه وفرحتي فيها وااااااااايد بعدين بعد فتره بيختفي هذا الشعور ويمكن تشوفين
بعدين ساعه ارخص بواااااااايد وتعجبج واتمين تلبسينها والي كلفج وايد تنسينها صح وهذا ينطبق على الذهب كله
يعني مهما اشتريتي الماس بيتم يبهرج الي برى والي عندج ما بيعيبج .


4_ السياره اذا ركبتي رولز ريز وكشختيه اكثر من مره ورحتي ويتي ورحتي ويتي بعد فتره وقصيره صدقيني بتحسين
شي عادي جنج راكبه اي سياره في العالم بعدين بتركبين اي شي ما بتفرق عندج لان امتلكتيه وانبهارج فيه انطفى .


يعني صدقيني تقدرين تعيشين في اي مستوى مب دوم الفلوس يجلب السعاده يمكن تبين الغني بيفكج من اشيء
وايده بس لا تسين انه متعود على اشيء واااااااااااااايد كثر الفلوس تخليه شغوووووف ويجرب كل شي لان
صاااابه الفتور من كل شي امتلكه ويجرب ويجرب ويصبح ملوووووووووول صدقيني اما الي على قده تاخذيه
بحلامه ومشاعره الصادقه الحب الحنان مبدا كل الحياه والماده لتوفير الحياه الكريمه يمكن تقوليلي لان عندي اقول جيه لا والله انا مقتنعه ومستعده اخذي فقري عقري حافي منتف بس اعيش معاااااااااااااااه في حب وسلام :)

لي رجعه انشالله