أكيد الكل يرف كنافة الشيز كيك تبع سعد الدين
اليوم حبيت اعطيكم طريقتي في كنافة الشيز كيك :35:
بالنسبة للمخاسير
1 باكيت كنافه مطحونه بالخلاط ومخلوطه مع اصبع زبده مذوبة ( أصبع زبده يعني 100 غرام )
طبقة الكريم :
( 3 ظرف دريم ويب
1 علبة قشطة قيمر
1 علبة جلي ليمون مذوب في 4 ملاعق مويا على النار وتخلينه يبرد لوقت الاستخدام ( انتبهي لاتحطينه وهو حار لازم بارد
1 علبة ساور كريم ( تشوفينها بجهة الثلاجات بالسوبر ماركت
نص كأس مآء بارد ( لآزم يكون بارد مررره )
1 ونص علبة فيلاديلفيا او 12 حبة جبن كيري ( حسب الرغبه )
للزينة :
1 علبة باي الفيلنق
الطريقه :
تاخذين الكنافة المطحونه والمخلوطة بالزبده وتتقسمينها نصين وتجيبين صينيتين مدورتين نفس حجم بعض
وتصفين كل قسم بصينيه وترصينه وتدخلينهم الفرن لين يتحمرون فوق وتحت ( أنتبهي لاتحترق )
طبقة الكريمه : ( تخلطين بخلاط الكيك علبة الساور كريم لين يصبح مثل الكريمه بعدين تجيبين الدريم ويب والمويا البارده وتخلطينهم معاهم والجلي وبقية المقداير حقت الكريما كلها وتخلطينهم لين يتجانسون )
تخلينها بالثلاجه لحد ماتبرد الكنافه
بعدها تجيبين الصحن اللي بتقدمين فيه الكنافه وتحطين الطبقة الاولى من الكنافة طبعا بتكون متماسكه
وبعدها تحطين طبقة الكريمة كلها ( هنا على حسب رغبتك في ناس مايحبون كريمه كثيره وفي ناس يحبون الكريم كثيره )
بعدين واسيها زين وحطي طبقة الكنافة الثانية عليها
الزينة :
تاخذين فيلنق الكرز وتضربينه بالخلاط شوي بس مجرد هرس للفيلنق وتحطينه بكيس القمع حق الكريمه وتزينين فيه الكنافه على حسب رغبتك ..
وبالعافيه عليكم
