المقادير
الطبقة الاولى طبقة البسبوسة
كوب سميد خشن-نص كوب سكر-ربع كوب حليب بودرة-ربع كوب جوزهند
ملعقة صغيرة بكنج بودر-رشة بسيطة فانليا-ربع كوب زيت-نص كوب ماء
اخلطي كل المقادير وحطيها بصينة مدهونة بزيت
ودخليها الفرن بس
يكون الفرن شغال من فوق يعني الشواية وبس يتحمر الوجة نزلها
ونسقيها بشوية شيرة
ونخليها تبرد
الطبقة الثانية القشطة
تقدري تستخدمي قشطة قيمر كي دي دي
او تسوين القشطة المعروفة
1-1/2 كوب حليب سائل -3ونص ملعقة كبيرة نشاء علبة قشطة
على النار لحد ماتتماسك ونطفي النار ونحط رشة فانليا
ونوزعها على البسبوسة
الطبقة الثالثة الكنافة
نص باكيت كنافة مفروم ناعمة -50غ زبدة ذائبة
نفرك الكنافة بزبدة ونوزعها على طبقة القشطة
وبعدين نذخل الصينة للفرن ويكون حار وشغال من تحت
عشان تتحمر البسبوسة من تحت
بعدين نحمر الكنافة من فوق
ونزلها من الفرن ونسقيها بالشيرة
ونقدمها وبالعافيه
الصينية المستخدمه بايركس الكبيرة