بسم الله الرحمن الرحيم
إلى أختي العزيزة " ماس القلوب " مشكورة على الحلو ولكن عندي سؤال ممكن تكتبين الطريقة بالتفصيل الممل ميخالف سامحينه عاد غشيمين :) : )

الله يجزاك خير
بصراحة كنت بلشانه بالشعيرية الباكستانية عندي كثير منها وكنت ادور طبخات لها .........
ومشكوره وما قصرتي ..

الله يعطيك العافية
و ياهلا فيك في عالمنا المتميز
و إن شاء الله ستسعدين بوجودك معنا

مشكورات والله يعطيكن العافيه

أختي ريم المسأله جدا سهله ومايخالف تمونين اشرحلك ولايهمك

تكسرين الشعيريه على حسب رغبتك تبينها صغيره كبيره على راحتك هي اصلا بتتكسر بسهوله
وتخلطين المقادير الباقيه اما تحطين حليب بوني او بيض احدهم مو الاثنين بعد ماتخلطينهم زين ابد حطي الشعيريه فوقهم المكسره طبعا
واخلطيهم مع بعض وحطيهم بالصينيه بالفرن بعد ماتدهنينه بعد ماتحمر من تحت وشويه من فوق انت قد سويتي شيره ماتكون ثقيله
يعني كوب سكر وثلاثه ارباع مويه وقليل ليمون واذا حبيتي حطي زعفران ليما تطبخ على نار هاديه ربع ساعه وتتركينها تبرد والشيره ماتكون ثقيله ولاخفيفه مره وسط وتكون بارده والشعيريه ساخنه وتصبينها فوقها وتتركينها تتشربها كم ساعه او طول الليل
وترشينها بفسق وجوز هند واتمنى اني افدك

تحياتي ودعواتي للجميه
اختكم الماس

سلمت الايادي ياالماس القلوب