ونص اصبع زبده وفنجان واحد سكر مطحون
اولا نطحن الكنافه لتكون ناعمه ونسيح الزبده ونصبهها على الكنافه ونضيف السكر المطحون
نقلبها ونصب نصها بالصينيه
انا فضلت صينيه تنفك عشان التقديم فقط
نجي للحشوه
انا ماكان عندي نشاء وقد سمعت وصفه بالجبن بس ماقد فكرت اشوفها او اطبقها
ف فكرت وفكرت وطلعت لحشوه حلو ولذيذه وللامانه مادري اذا هيه موجوده من قبل الحشوه ذي او لا
حبيت يكون الحشو حالي ومالح
خلطت على جنب
علبه قشطه وملعقتين جبن سايل واتوقع لو اني حطيت كيري بتكون احلى
وحطيت ملعقتين كريمه خفق بس عشان تثقل وتتماسك
وشوي فانيليا ونص كيس دريم ويب او ملعقتين
اخلطيهم وصبيهم ووزعيهم بس لما توزعي حاولي ماتجي على الاطراف خلي فراغ بين الحشوه والصينيه عشان لو ساحت مثلا ماتخرج برا
وصبي النص الثاني من الكنافه واضغطي عليها برفق عشان يكون السطح متساوي ومو منكوش لاتضغطي بقوه وتخر ج الحشوه وتخرب عليك
دخلتها فرن حار وخليتها لحد ماتشقرت وخرجتها
واثناء طبخ الكنافه سويت الشيره وخليتها ثقيله
لو كانت سايله كان تشربتها الكنافه ونفشت ف فضلت الشيره الثقيله وهي كانت الافضل
عادة تكون الشيره جاهزه عندي بالثلاجه بس هذي المره كان من نصيبكم تشوفو براد الشيره اللي اطبخ فيه😁😁
المهم خليتها تبرد وصبيت عليها الشيره واستنيت عليها لتتشرب وقطعها
الله ياعليها طعم
خصوصا الدريم ويب يالطيييييف
واليوم الثاني لما اكلتها كانت احلى وتخدر الطعم كويس فيها
الصور توضح اللي قلتله
ح
لاحضو هنا الحشوه بعيده عن الصينيه
وهنا النهايه
