كنافه سهله وسريعه

السلام عليكم
.
كيفكم بنات
.
عضوه جديده واتمنى نستفيد من بعض.
.
بعطيكم طريقه رااااااائعه للكنافه.
.
المقادير:
كنافه (اي نوع بس انا استخدمت السنبله نص العلبه تقطعينه وسط)
علبتين قشطه
اصبع ونص زبده
شيره
مكسرات.
٢م سكر
.
الطريقه:
بعد مانقطع الكنافه نذوب الزبده ونصبه عليها ونحط عليها السكر ونعجنهم مع بعض زين. بعدها نحط نصها بصينيه (اللي استخدمت صينيه صغيره) نرتبها بقاع الصينيه (تعرفون كيف طبعا 😅.
بعدها نوزع القشطه عليها نحاول انها ماتجي اطراف الصينيه عشان ماتحترق بعدها نحط مكسرات حسب رغبتكم اللي تبي تكثر او لا ع راحتك .نحط باقي الكنافه فوقها يعني نكون غطينا القشطه كلها بالكنافه.
وندخلها الفرن لين تتحمر من تحت بعدها نشغلها من فوق لين تتحمر كمان. بعدها نوزع الشيره عليها وهي حاره لازم. بعدها نغطيها بقصدير لمده نصف ساعه او اكثر ع حسب ماتبون بس لاتدخلونها الثلاجه لان اذا دخلتوها الثلاجه تصير قاسيه. واذا تبون تقدمونها زينوها بمكسرات وبالعافيه عليكم.
الطريقه شفتها باليوتيوب وجربتها وحبيت اشارككم فيها. للامانه رووووووعه هاالطريقه جربوها.
.
وسلامتكم🤗