كنافه طعمها اكثر من رائع

السلام عليكم
اخواتي بنات عالم حواء "عالمي الجميل "الذي استفدت منه الكثير
هاذي اول مشاركه لي في هذا المنتدى الغالي واتمنى ينال اعجاب الجميع :27:

عندي حلا من زمان وانا اسويه ويعجب كل من جربه وقلت خليني انزلة في المنتدى وهذي طريقته

كنافه < أخذها من المخابز >
3م حليب بودرة
2م نشأ
بياله سكر
م صغير ه فانيلا
كأس وربع ماء
قشطه
شير ه
اول شي اخذ الكنافة اخليها في الفريزر لين تثلج حتى يسهل علي فركها إذا ثلجت اطلعها واقطعها صغار او افرمها بفرامة البصل ثم افركها بزيت واقسمها قسمين وارص قسم بصينيه تيفال بس ماتكون الكنافة سميكة مرة
بعدين احمرها من تحت على عيون الفرن واخليها على جنب وأبدأ اسوي الحشوة المكونه من
{الحليب والنشأ والسكر والفانيلا والمويه }اخلطها بقدر واضعها على النار واحركها لين تصير ثقيله اطفي النار واضيف عليها القشطه واخلطها بعدين اخذ بالملعقه شوي شوي واصبها على الكنافه ثم اخذ القسم الثاني من الكنافه وارصه على الحشوه بس لاتضغطين عليها بقوة شوي شوي وادخلها الفرن واحمرها من فوق واصب عليها الشيرة بس لاتكو ن الشير ساخنة حتى لاتخرب الحشوة وتاخذين الشيرة بالملعقه شوي شوي حتى لايخرب شكل الكنافة
وبالهنا والعافيه واتمنى انكم تجربونها لانها سهله وطعمها رائع والمعذرة مااضفت صور لاني لسى جديده ومااعرف انزل صور :44: