سكر و نور عيني جنان هلا فيكم خواتي
say yes
اختي ايش سوينا ... و لا شي .. لا تتوقعين انه بيتك راح يكون بافضل حالته .. لا اكيد فيه حوسة .. لكن المهم انك تكونين مرتبه امورك قبل الولادة يعني تجهزين لك سرير و تجهزين ملابس البي بي و سريره و تحطينهم جنب سريرك .. اذا بيتك دورين تنزلين ملابسك و اروابك و تحطينها بدولاب الي تحت .. يعني هيئي نفسك .. علمي زوجك كيف تشتغل الدش وشر و الغساله و النشافه .. علشان يساعدك .. و اذا عندك اطفال كبار شوي يفهون اطلبي منهم يرتبون الصاله و يضفون الالعاب و يشيلون الصحون وقت الاكل .. اما موضوع الطبخ فاني تطبخين على الاقل اول اسبوعين . اما علمي زوجك يطبخ اكله و لا اكلتين اذا عنده استعداد و لا جاراتك راح يرسلون لك و لا اطبخي و جمدي الاكل و حمي منه اذا احتجتي .. و ترى يا سرعها الايام تطير ..
فوااحة يا خزياه .. ما انتبهت لسؤالك الي على العام ..
بنتي كانت اكبر من بنتك .. كان عمرها خمس سنوات .. و كانت متحمسة للبي بي لانها ودها يصير عندها اخوان ... لكن بعد ما جا صارت تغار بشكل غير طبيعي .. ما تأذيه و لا تضربه بالعكس ما شاء الله اعتمد عليها نها تنتبه له لكن احيانا تجلس تصيح .. من دون سبب و تجي تنام جنبي كثير .. بس الغيره الصدق ما بدت الا يوم كمل سنه .. و بدا يمشي و يتكلم بدت من جد تغار .. و كل ما اسوي له تبيني اسوي لها مثله و ما تحب تشوفه جالس على رجولي على طووول تجي و تجلس و هي ما شاء الله كبرت و صعبه اسوي لها مثله دائما ..
و موضوع التوسيع .. انا قلت لك رائي قبل .. و اقولة الحين .. احنا تعودنا على اشياء بالسعوديه بس ما يعني انها هي الصح و ما فيه افضل منها .. يعني مثلا ..
الولادة بعلمية قيصريه .. في امريكا البنج موضعي ,, و ما شاء الله اذا زرت وحده ولادة بعمليه ثاني يوم او ثالث يوم عادي رافعه السرير يعني شبه جالسه و تسولف .. اما في السعوديه اذا زرت وحده ولاده بعملية تكون مررررررررررره تعبانه و اول يوم ما تصحي زين اصلا لانه البنج كامل و ثاني يوم نايمه على ظهرها و يادوب تتكلم .. و كلهم عمليات و النتيجة النهائيه وحده ..
و لو تقولين لاهل السعوديه ليه ما تطلبين بنج موضوعي قالت لاااااااااااااااا يمه بسم الله علي ما اسويها مع انهم يغطون بطنك ما تشوفين لكن لاننا تعودنا نحس ان اي شي جديد غلط ..
الله يهون عليك و يسهل ولادتك .. و لا تفكرين كثير كل شي راح يتسهل باذن الله ادعي ربك بس .. و ترا كلنا ولدنا قبلك و الحمد لله ما ضرنا و لاحظي ان الكل يمدح ولادة الغربه ..
الموضوع وذكرونا بايااااااام زمان
الله يكون بعونكم ويهون عليكم وتقومون بالسلامه باذن الله
say yes
انا مريت بمثل هالحاله لكن كنت من قبل مااولد مقسمه شغل البيت على الاولاد الكبار
واكيد زوجك مو مقصر ...
اما الطبخ اكون مجهزه كم صنف من اللي يحطون بالفريزر علشان اذا احتجتهم اطلعهم واحميهم
غير ان البنات اللي حولك او اللي في المركز يخصصون جدول لك لحالك كل يومين تطبخ لك وحده حتى تكملين اسبوعين او عشرين يوم
وعلى العموم هي فتره صعبه شوي حتى وان كنت عند اهلك فما بالك اذا صرتي بعيده
وهي ايام تعدي ان شاء الله
الله يكون بعونك ويسهل عليك
فواحه
بالنسبه لاسئلتك اجاباتها تختلف باختلاف الطبيبه اللي تراجعين عندها
فمن خلال تجربتي وتجربة زميلاتي اكتشفنا ان الامريكان ماييئدون التوسيع ولا الخياطه
يقولون خلي كل شي طبيعي الجسم مهيئي ومخلوق انه يرجع زي اول
وبعضهم لا ييئدون الخياطه والتوسيع
الله يسهل عليك وتقومين بالسلامه
وبدري يالطيبه على هالتفكير
اتكلي على ربك وباذن الله تتسهل ياما فكرنا وفكرنا وذبحنا التفكير وفي الاخير مافيه الا المكتوب
وبالعموم ولادة امريكا افضل من ولادة السعوديه بشهادة الاغلبيه مااقول الكل ...
اما بنتك فالافضل انك تهيئنها من الان لاستقبال المولود خليها تبوس على بطنك وتمسح عليه بلطف
واذا بديت تجهزين له خليها تساعدك وممكن انك تحطين بعض ملابسه واغراضه في درجها
...
الله يسهل عليك وتقومين بالسلامه