يا ربي سلمك يا ام لين و طلال اميييييييييييييييييييييييييييييييييييييييييييييييي ن في هذا الشهر الفضيل , تعبتك معي , سبحان الله شكل ذوقنا متقارب , انا قاعدة افكر في لون الطقم الثاني والمفاجاة ....... انه هذا اللي انا مختارته عند الانصاري حتى اسمه " نجوم " صح ؟ سبحان الله في هالصدفة !!
باين تعبك في المجلس , الصبغ حلو جدا و الكنبات احلى , الحين الستاير وما ادراك ما الستاير !
انا من الخبر , واليوم شفت محل فيه اقمشة عجبتني , انا اقترح عليك اما : ستاير رومانية,القماش حرير لون ليموني نهايتها هدب على برونز ومن فوقها ستارة مثل اللي في الانصاري اللي يسميهم " امريكي" لون برونز . او العكس الروماني برونز والامريكي ليموني والكفسة اللي في الامريكي تحطين نفس قماش الكوشن .
الاقتراح الثاني : بوكس خشب فوق الشباك لون ذهبي معتق والستارة شيفون ليموني فيه تطريز " شوفي وردة الصالحية اذا عندكم " وستارة برونز قماش حرير فيه حركة منه وفيه .
انصحك باقمشة وردة ,للستاير .
الطاولات لا تلزمي نفسك بموديل واحد في المجلس كله , عند الانصاري طاولات تصنيعهم مثل الخشب المتلوي على بعضه وفوق رخام اعتقد شوفيهم .
الكنب الثاني اضيفي له في الوسط كوشن اسطواني حرير سادة يصير مثل الفاصل وبنفس الوقت نفس قماش الستارة عشان يصير ترابط بينهم .
كنبة نجوم حاولي تصفين الكوشن بطريقة اخرى احلى في رايي يعني وحدة فوق وحدة تحتها مثلا.
في محل اكيد عندكم في جدة اسمه " لايف ستايل " تحفهم حللللللللللللللللللوة واسعارها رائعة .
ارجو اني اكون افدتك كما فعلت معي . :26:

انا صرت كني هبلة , كله اهوجس في هالبيت , واحسب كم هذا بيكلف , وكم هذا قماشه , واي لون هذا او ذاك ! والله ان شنطة يدي فااايضة من العينات للاقمشة و كروت المحلات ! عندي عدد لا يحصى من مجلات الديكور , وصور كنبات و..........
مثلك ادرى بالحال , كله فيني صداع من كثر التفكير و القلق .
الكنب المقابل لقيت قماش حلو و فخم على برونز وفيه شوي اخضر . راح افصل " اوتومان " وهي اللي توضع عليها الارجل بس دائرية من لون يجمع ما بين الطقمين .
والله يوفق الخميع , في انتظار انجازاتك , انتي ماشية صح , اذا تعبتي وقفي فترة احسن ما تحطين اي كلام .
بالتوفيق:26: