كنتو تعرفون هالخبر؟

انتشرت رسالة باليومين اللي فاتو على الواتس والبيبي انو في تقديم على مديرات المدارس.وهم يرفعوا أوراق المتقدمات على حسب الاحتياج اللي عندهم ويتم تثبيت المتقدمات كلا على حسب احتياج المدرسة لتخصصها.

المهم الخبر كان مؤكد من أكثر طرف .
عملت اتصالاتي وتأكدت لكن مو زي مكتوب.
الحقيقة:
ان مديرات المدارس يقدرون يمنحون ورقة ان فلانة اشتغلت عندهم على الكمبيوتر وبموجب هذه الورقة انت تقدمين على الوزارة وتتثبتين في نفس المدرسة.

بنات انا انصدمت لما سمعت المعلومة!
تذكرت زميل أخوي كان مستميت للحصول على الورقة وكان موسط معلمات من العائلة عشان يجيبونها لزوجته..
تذكرت أخواتي لما كانو يحلفون لي ان أغلب الاداريات اللي باشرو في مدارسهم معاهم (ثانوية عامة) ويصادف أختين في نفس المدرسة وجنب البيت (أقسم بالله اني متيقنة من كلامي).
وأنا ماكنت أصدق
أقول لاااا
هذه مفاضله ولايمكن فيها واسطات.

احنا جالسين نحدث بيانات جدارة ونقدم في كل مفاضلة والوظايف تروح للواسطات والمحسوبيات.
أختي حاولت في تجيب الورقة تقول اقنعوني زميلاتي انها ماتضر أحد .وانها معاونة على البر وانها تساعد محتاجين للوظائف.
قلت لها كيف ماتضر؟انا جالسه 10 سنين في البيت انتظر تطبيق النظام ونتايج المفاضلات وواحدة بورقة تتعين؟
قالت هي ماخذت مكانك!هذا مكان خالي وهي شغلته!
طيب المكان الخالي لو بالنقاط كان جات فيه واحده مستحقة وشغلته .

الموضوع يقهر.وأنا مصدومة.من غياب الضمير.من تحوير الدين من(تزوير)ل(معاونة على البر)!!