عن نفسي ..
كنت ابي احمل ..لكن المفاجاه كانت عند اكبر بروفيسور في بريطانيا..وطبيبه من اكبر الاطباء في بريطانيا..بعد كل الفحوصات كانت المفاجاه (بصراحه انصدمت من النتيجه )
ما اطول عليكم..
قال البروفيسور لا يمكن انك تحملين ابد وانسي هذا الموضوع (مع اني عندي ولد عمره2.5 )
المهم..
انهرت طبعا ونسيت كل شي بالعالم وصارت مشكلتي هي همي الوحيد ..ما انام..ما آكل..
كان زوجي منهار مثلي .. وكان يخفف عني..
ومره كنت عند صديقه عزيزه جدا على قلبي (وكان هذا بعد يوم من النتيجه)
قالت ليش ما تقرين البقره وتقمين الليل وتدعين ان الله يفرج عنك همك ويكذب كلام الاطباء
لم قالت لي هذا الكلام ( كانه صفعه جت على وجهي)
وانتبهت..
((اشفيكي نسيت ربك)) قلت في سري
وعطتني كتاب للادعيه
المهم قريت البقره كل يومين وقمت الليل ودعيت ربي
تصدقون شو صار .. وكم المده اللي استمرت على البقره والقيام والدعاء
ما راح تصدقون......!!!!!
اسبوعين فقط....!!!!!
وقررت افحص عند طبيبه اخرى...(يمكن يكون في خطا قبل)
وفحصت ... وكانت المفاجاه الثانيه!!!
قالت : عندك بويضه راح تنزل قريب
يومين ونزلت الدوره اللي كانت متاخره 50 يوم
وبعد هذي الدوره حملت عادي بدون علاج...!!!!
ادركت ساعتها عظمة وقدرة ربي في سورة البقره وقيام الليل
أنا اعرف وحدة فاتها قطار الزواج يمكن عمرها تعدى الثلاثين ولا جاها نصيبها
وفي يوم من الأيام حست البنت انها كبرت وبدت تذبل ولاجاها رزقها..
المهم قدر الله وحضرت محاضرة لداعية عن قيام الليل وفضل الدعاء والإلحاح وان الله في الثلث الأخير من الليل ينزل في السماء الدنيا ويقول هل من داع فأستجيب له..
المهم هي قالت لازم استغل الفرصة وادعي ربي يرزقني الزوج الصالح... ومع ان اختها كانت تقولها لاتعبين عمرك بالدعاء محد يبغاك انتي كبيرة بالعمر وهي ترد عليها وتقول ربي سميع قريب سبحانه..
المهم قعدت حول 3شهور وهي يوميا تقوم الليل وتدعي ربها بانه يرزقها الزوج اللي في بالها وكانت من ضمن اللي دعت ربها انه يكون ابيض وطويل وعيونه زرقاء.. حتى اختها كانت تقولها لاتحلمييين مافيه سعودي كذا
وسبحاااان الله مجيب الدعاء رزقها ربي بواحد اصغر منها وابيض وطويل وعيونه زرقاء...
تصدقووووووووون ولالااااا.......
ما أقول الاسبحان ربي اللي يقول للشئ كن فيكون....