شاهه2 @shahh2
محررة
كنتي قبل الزواج حساسه بالمره و بعده تغيرتي للافضل، قولي تجربتك و خلينا نستفيد
بسم الله الرحمن الرحيم
و الصلاة و السلام على خير الانبياء و المرسلين
كيفكم بنات يارب بخير
الموضوع عن الحساسية الزايدة و الي مو بمحلها و ترهق الواحده و الي حواليها و هذا الشي تعاني منه الكثيرات
و انا منهم
فالسؤال موجه بالذات للمتزوجات بارك الله فيهم لانهم احتكو بالحياة اكثر و بالعلاقات الاجتماعية اكثر
كيف تغلبتو على الحساسية الزايدة اعطونا امثله
يعني اجوبتكم الحلوة المرتبه طيبه بس نبي امثله بالمثال يتضح المقال
يعني مثلا لو بكره علق على طبخه كيف تضبطين احساسك و تردين بلباقه مو بعصبية
لو امه علقت عليك ولا كلمتك بشي يجرح قدام احد من الناس كيف تتصرفين
بالله الزوج يتحمل عصبية زوجته و حساسيتها لانه قريب منها و يفهمها
بس صعبة الواحده تبي تدور رد مناسب و زين بس حساسيتها توهقها قدام امه ولا احد من القرايب
لو ردت رد مو زين بينحسب عليها
تدرون ليه طرحت الموضوع لان الكثيرات يؤمنون بمبدأ : انا كذا الي عاجبه عاجبه و الي مو عاجبه كيفه
المسالة مو عاجبه ولا مو عاجبه
المساله كون البنت بعد الزواج تنقل لعالم ثاني
قبل كانت بغرفتها و على النت ولا بوظيفتها الحين لا
حياة ثانية وواجبات و مسؤوليات و توجيب للناس و ملاقاة شخصيات مختلفه و متناقضه
و العصبية و الحساسة الزايده و الي مالها طعم باغلب الاحيان ان لم يكن كلها
كلها بتنحسب عليك
يعني الواحده لازم تشتغل على حالها و تعدل عيوبها ما تخلي عيوبها تتحكم فيها
اجل ليه الله تعالى اعطانا عقل و ليه علوم ادارة الذات و التحكم بالشخصية تدرس باعرق الجامعات
البنت للما تتزوج فعلا تدخل دنيا ثانية
على قولة المصريين كانت بجره و طلعت لبرا
قبل علاقاتها محدوده اهلها و كم صاحبة
بس عقب الزواج لازم تعرف كيف توجب الناس و تعطي كل واحد على قد عقله
و تاخذ و تخلي مو على الواحده تتحسس و تسوي مناحه كل يوم و امك قالت لي و عمتك قالت
لي قلنا دلع لكن ما توصل لدرجة المبزره و مشكلة كل يوم بسبب الحساسة الزايده
الناس غرب عنها مو مثل امها ولا ابوها اذا ردت برد دفش اعذروها
بكره بتصيرين ام كيف بتربين عيالك و بناتك
ادري الحساسية الزايده بتتعبك و بنتك بكره بتصير مثلك ترضين لها تتعب مثلك ؟
كثير من البنات ياخذون من شخصيات امهاتهم الكثير
ليه امهات ينقال عليهم سنعات و امهات لا
لان السنعه تشتغل على حالها
و المنتدى ماشاء الله مليان اشياء حلوة تخلي الواحد يعدل من روحه
لكن بادارة الذات مدري احس المواضيع شويه
يا الله يا حبوبات السؤال لكم
حاولو تذكرون كيف تغلبتي على حساسيتك اكتبو لنا لو موقف
و بارك الله بالكل :26:
25
3K
يلزم عليك تسجيل الدخول أولًا لكتابة تعليق.
انا والله تزوجت تطلقت وانا حساسه ما تغيرت اببد وكل شي يزعلني حتى لو تافه مدري شسووي تعبت من هالحساسيه بس شي مب بيدي خصوصا حياتي وانا متزوجه كنت دايم بهم والحمدلله ارتحت بس الحساسيه فيني للحين واي احد يصرخ علي مثل صاحبه المووضوع ع طول تنزل دموعي اااااااه بس . ليت اقدر اغير من نفسي .
شاهه2
•
انا والله تزوجت تطلقت وانا حساسه ما تغيرت اببد وكل شي يزعلني حتى لو تافه مدري شسووي تعبت من هالحساسيه بس شي مب بيدي خصوصا حياتي وانا متزوجه كنت دايم بهم والحمدلله ارتحت بس الحساسيه فيني للحين واي احد يصرخ علي مثل صاحبه المووضوع ع طول تنزل دموعي اااااااه بس . ليت اقدر اغير من نفسي .انا والله تزوجت تطلقت وانا حساسه ما تغيرت اببد وكل شي يزعلني حتى لو تافه مدري شسووي تعبت من...
بارك الله فيك حبيبتي و عادي مشكلتك عند الكثيرات
و كثير تغلبو عليها
بس ما اقصد بالدكوع و الحكي لا بالمشاكل على الفاضي و المليان
و الله يعوضك باحلى عوض يارب
انتي التزمي الدعاء و وقولي يارب غلبتني حساسيتي يارب علمني ميف اغلبها و الله يسهل لك
و كثير تغلبو عليها
بس ما اقصد بالدكوع و الحكي لا بالمشاكل على الفاضي و المليان
و الله يعوضك باحلى عوض يارب
انتي التزمي الدعاء و وقولي يارب غلبتني حساسيتي يارب علمني ميف اغلبها و الله يسهل لك
الصفحة الأخيرة
اذكر مره قبل زواجي اخوي دخل البيت وجاب معاه اغراض كثيرة وانا فتحت له الباب ورجعت
قالي بصوت عالي يابنت تشوفين معاي كل الاغراض هذي وتروحين:mad:
انا رجعت شلت معاه
ورحت غرفتي و:icon33: وجلست يومين رافضة اكلمه
هذا موقفي احسه مايستاهل كل الدموع هذيك
عادي اصلا اخوي معاه حق
وبعد الزواج صرت اذا الموضوع يستاهل زعل
ازعل واذا بسيط اطنش:42: