شوفي الريحه ممكن تكون من خشمه

لاتستغربي ايوه من خشمه وتطلع مع انفاسه لانه لو الريحه من فمه ماكان عفنت الغرفه واضطريتوا تفتحو الشبابيك وبتكون الريحه تطلع منه وقت مايتكلم او يفتح فمه بس

لكن اذا كانت الريحه من خشمه على طول بتطلع مع كل نفس يتنفسه

عشان كذا صدقييييييييييييييييييني ان الريحه من خشمه يمكن عنده لحميه او التهاب في الجيوب الانفيه

او وهذا الاحتمال الاكبر انه زمان يوم انه صغير دخل حاجه في خشمه مناديل او ورق او اي شئ وبقيت في خشمه وبنى عليها اللحم وهنا طبعا يحتاج عمليه جراحيه وتطهير وقد حصلت كثيييييييييييير

واضرب لك مثل في ولدي دخل في خشمه قطعه صغيره من الاسفنجه وطولت في خشمه ومادرينا عنها ابدا وبعدها بفتره صار كل ماقرب مني اشم فيه ريحه واقول يمكن اني اتوهم ويوم عن يوم زادت الريحه واقوم اروشه وافركه فرك وافرش اسنانه ولمن طلعته من الحمام دهنت جسمه بلوشن وبودره معطره ورحت امد ظهري الا شوي جاء عندي يبوسني واشم فيه نفس الريحه والله بغيت انجننننننننن وماجاء على بالي ان الريحه من خشمه نهائي
وصارت الريحه يوم تزيييييييييييد ويوم تختفي وبعدين ريحه اقدر اصنفها انها ابشع ريحه ممكن الواحد يشمها في حياته اقسم بالله انه كان اذا قرب مني على طول كبدي تلوع واحس اني بأرجع والله اني اللحين اكتبلكم واحس اني بأموت لاني بس قاعده اتذكر الريحه وحتى غرفة نومه صارت ريحتها معفنه وسريره ومخدته وملابسه وغرفة جلوسنا وبس تشوفينا طاقين اللثمه افففففففففففففففففففففففففففففففففففففففففففففففف استغفر الله قلبت معدتي يوم تذكرت اففففففففففففففففففففففف

المهم وديناه المستشفى بعد ماشكينا ان الريحه جايه من خشمه وبس دخلنا فيه عند الدكتور خرج كمام ولبسه وكشف عليه ودخل زي الملقط في خشمه وخرج الاسفنجه يووووووووووووووووه ياريحتها عفنت بالمستشفى كله تموت تصرع تخنق تجلط اففففففففففف ففففففففففففففففففف

وطهر خشمه ورجع ولدي وروشته وزبطته وبسم الله عليه ماشاء الله ريحته رجعت زي العسل ودك ماتفكيه من جمال ريحته فديت قلبه

عاد انا طولت عليك لكن شوفي انتي خليه يسوي منظار لخشمه مافيها شئ قوليله بهدوء وبينك وبينه وقولي انا زوجتك وبتحملك لكن الناس بدت تلمح وتتكلم وتقول فلان وش زينه وحلاته لكن الزين مايكمل وانا خايفه عليك تكون هذه الريحه تدل على عارض صحي عندك لازم تروح تكشف وتطمن على سلامتك والله العمر مايتعوض ومن هذا الكلام

وصدقيني ان الريحه من خشمه ملييييييييييييييييييييييييييييييييون بالميه
لان ريحة الفم بالغسول والمعجون ممكن شوي تخف وغير كذا صح معفنه لكن مو مره بشعه وماتعفن المكان

لكن ريحة الخشم ولاشئ في الدنيا يخففها وبعدين ريحه ابشع من ابشع ريحه على وجه الارض ولا احد يقدر يتحملها ابد ابد

الله يفرج عليكم ويزيل مابكم ويشفي زوجك ويسخركم لبعض
دعواتك

شوفي حبيبتي قريت في مكان
انك تعطي زوجك كم عود بقدونس يمضغها ويبلعها
لانها تساعد على تحسين عملية الهضم لان يمكن يكون عنده نقص في عملية التمثيل الغذائي
وهي تسبب روائح في النفس
حتى انك ما تشمين الريحه من فمه بس تشميها من خشمة وهذا دليل انها مو مشكله في الاسنان او اللثه

المواجهة افضل من حالك الان
يعرف ويعالج احسن من ان حياتكم تنهار
انت راعيتي مشاعره بس وش الفايدة وهو الان مو مرتاح ويتعذب
علميه وقولي الحل بيدك واو اكتبي له رسالة بورقة راح يعالج لو يحبك انت مكبره المشكلة وهي صغيرة

اذا ما خاب ظني عنده جرثومة في المعده وهي اللي مسببة هذي الرائحة الكريهة

ومالها علاج الا يروح لطبيب ويعطيه ادويه وحبوب يمكن تستمر اسبوعين او اكثر وباذن الله راح تختفي

واسألي مجرب جلست سنين اعاني من زوجي ومسكين دايما ينظف ويغرغر بالغسولات ولا نفع الا بعد ما اكتشف بالصدفه ان عنده جرثومة في المعده

لانه حس بالم في بطنه وراح كشف وسوى له الدكتور فحوصات وطلع عنده جرثومة في المعده

ترى عادي الكل فيه هذي الجرثومة بس في ناس تكثر عندهم بسبب عادتهم الغذائية السيئة وتبدأ تفوح ريحتها

قولي له ريحة فمك غريبة شكله عندك جرثومة في المعده ياليت ياقلبي تسوي تحاليل عند دكتور باطنية ومن هالكلام

وان شاء الله يتعافى

لازم يتعالج عند احسن دكاترة وتضعي يدك بيده وتحاولوا سوا
والصراحة افضل شيئ في القصة كلها