كنت أجمل جسم بجماعتنا وبنظر الكل بذات خطيبي 😢💔

س ا ر ة :

السلام عليكم .. يا حبيبتي والله رديت عشانك ما ودي يضيق صدرك ، ولا انا كنت اتصفح المنتدى كزائرة ، شوفي اشتري خبز تورتيللا .. خذي نوعي ممتازة اللي يجيك لين عشان لا يتقطع عليك لما تسوين الساندويتش ، و خذي مقالي أمريكانا .. من الثلاجة في بنده ، خذي اللي مكتوب عليها أصابع الدجاج الحار ، و خذي تتبيلة فرنسية اسمها ديسلو او شي زي كذا .. و خذي كاتشاب .. و خذي نوتيللا و خذي زبدة الفول السوداني بالمكسرات و خذي توست ماركة هرفي .. و خذي جبن شرايح قليل الدسم .. طيب ليش كل ذا ؟ تشوين ٨ قطع من اصابع الدجاج في الفرن .. ياخذ منه حول ال ٢٠ دقيقة .. ما يحتاج زيت .. فيها زيت .. و انتي بتسوين ساندويتش ٢ .. افردي خبزة التورتيللا و حطي شريحة الجبن بعد ما تقصين شريحة الجبن بالطول و خلي وحدة فوق و تحتها الثانية لأن الساندويتش بتكون طويلة ، و حطي من التتبيلة الفرنسية و حطي من الكاتشاب بعدين صفي اصبعين فوق و اصبعين تحت .. و اصفطي خبزة التورتيللا من تحت عشان لا تتسرب التتبيلة و انتي تاكلين .. اصفطيها من تحت ثم لفيه اطراف الخبزة .. و نفس الشي مع الساندويتش الثانية .. يصير هذا غداك و عشاك .. و فطورك تاخذين شريحة التوست السمرا ( خذي السمرا ) و ادهني طبقة نوتيللا و فوقها طبقة زبدة الفول السوداني مع قهوة عربية ..كل يوم على هالحال و بتسمنين .. شي لذييييييييذ و يموت من لذته ... انا علمتك شي انا بنفسي اسويه بس ببري ذمتي بشغلة : مشكلة النوتيللا انها حالية كثير .. و انا اخاف عليك من مرض السكر .. اخاف ابي انصحك و اكون تسببت فيك :( .. فمدري اذا ودك تستغنين عنها بكيفك .. بالنسبة للساندويتش اخاف يجيب لك حب شباب :( .. فمدري بكيفك .. لا تسوين شي الا لما تكونين واثقة انه ما راح يضرك .. هذي تجربتي يا الغلا و خذي من اثر كل شخص مدحك و تسبحي فيه .. فنجان القهوة اللي شربوا منه و حطيه في قدر به ماء و تسبحي فيه و اذا هي عين تطلع .. الله يوفقك و ادعي لي يا عسل و ألف مبروك الخطوبة .. و احرصي حبيبتي على اللبس الساتر عند محارمك و عند الحريم حتى أمك ، زوجك البسي له عاري و ضيق زي ما تبغين بس الناس لا لأن حرام و ما يجوز .. بارك الله فيك و صح نسيت اقول لك روحي المستشفى سوي فحوصات تأكدي .

السلام عليكم .. يا حبيبتي والله رديت عشانك ما ودي يضيق صدرك ، ولا انا كنت اتصفح المنتدى كزائرة ،...