كنت ابشكيلكم وحدتي في هذا العديد , قلت وش الجديدطول عمري وحيدة

السلام عليكم ورحمة الله

اختي كل شوي تسافر وانا امسك اطفالها
وتوها راجعة من باريس
وقبلها سويسرا
وقبلها امريكا

والان بيسافرون وكانو غاصبيني يبوني اخذ واحد واتزوجه
لكن رفضت لاسباب
للاسف اختي علشان تقنعني بهذا الشخص تحطم مجاديفي
تقولي مين يقبل فيك
لا شكل , لا عائلة لا عمر عاااااانس -> الشي الوحيد اني عنست الباقي ولله الحمد العكس
وتقولي :
احمدي ربك خليه يجي بكره يشوفك ولو وافق نسافر نجهز

المشكلة انها لسا جاية من سفرة وانا الي ماسكة اطفالها !!

قلتلها سافرو انتم انا ماابي اروح معكم واتنكد
طبعا بيسافرون كلهم وانا راح اجلس مع الشغالة في البيت والسواق
قبلها سافرو مكة وجلست لوحدي مع الشغالة بس كان معي اخوي
قبلها سافرت مع اختي وانواع المشاكل اختي هذي قلق غير طبيعي
لما اكون في مكان واهلي مو معاي اكون مرتاحة ورايقة
لما يكونون معي اكون العكس

اكرهكم يا اهلي

كنت طفلة ثم مراهقة كل همكم في كل تصرف او لبس البسه الناس
وكبرت عمركم مافكرتوا فيني اطلع للناس علشان اتزوج
كنت افكر اكلم خطابات لكن ماعندي الجرأة ولو ان اهلي قراب مني كلمتهم
كانو قريباتي يكلمون امهاتهم واخواتهم ويتعاونون مع خطابات وانا ماعندي احد
كانو اهلي همهم الناس وبس
البس للناس واكل للناس واتحرك للناس
وطول الوقت تحطيم وقلق ومن الحبة ينعمل قبة
بل من الهوا لو مر من عندي عملولي مشكلة
قلق قلق قلق
وكبرت وعنست ع قولتهم وصار همهم اجيب ولد علشان ما لا قدر الله بعدين
اختي الي تغار علي من زوجها الي من زينه هو واياها
تخاف اجي واسكن عندها بعدين
يبون اتزوج اي احد علشان يصير عندي ولد وبس

متى سألتو عن سعادتي ؟
البس للناس واكل للناس واطلع للناس واتحرك للناس والان اتزوج علشان اجيب ولد
عمركم قلتولي افعلي كذا لك علشان تنبسطين ؟ علشان سعادتك ؟

لكن طزززززززززززز فيكم
ضحيت وتعبت بما فيه الكفاية
جهزو شناطكم وسافرو لكن ابجهز سجادتي وادعي الله يريحني
مالكم قلب مالكم رحمة
سافرت مع اختي اخر مره وانذليت بسبب عيالها قلتلها عيالك مسكتهم صغار والان كبرو
خلي عيالك الكبار يمسكون صغار
امي لو اولاد اختي يقولون نبي نروح مطعم طلعينا يا خالة مطعم
تقول امي طلعيهم خوذي اجر فيهم
هم كل اسبوع مطعم وقبل اسبوع جايين من سفر
وبالسنة 3 او 4 مرات سفر ولو مره قحط يسافرون مرتين
وانا اغصب نفسي اطلع في هالمبزرة ؟
انحرم من اجازتي

راح اادبكم المرة الجاية ووارمي عيالكم بوجيهكم كلللكم يا اخواني وواخواتي
ماحسيتو فيني طز فيكم وفي عيالكم

تجريحها كوم ولما يجيني واحد ويقولون لي خليه يجي يشوفك النظرة الشرعية ولو وافق كملنا
انا مزهرية ولا طاولة ؟
استخدمو تعبير افضل من كذا قولو تشوفون بعض لو ارتحتو لبعض لو ناسبتو بعض
انا بنتكم المفروض تقولون لو ناسبك ووافقتي

مو كاني اروح استعرض تقولون لي لو وافق عليك !!
حسبي الله ونعم الوكيل

انا جرحي كبييييير من اهلي بشكل محد يتخيله انواع الاذى النفسي عانيت

دعواتكم في هالايام الفضيلة