السلام عليكم ورحمه الله وبركاته
ارجو من المشرفات نشر موضوعي هذا با اسرع وقت لاني في حاله ما يعلمها الا الخالق
ببدا في الموضوع على طول وابي منكن مساعده تكفون يا اخواتي ابي الردود الصادقه ولو بالدعاء لا اريد تهزيئ او سخريه بس قبل كل شئ انا ما كتبت الموضوع هذا اتباهى في شئ او علشان شئ اخر انما اريد النصيحه الصادقه
الموضوع انني سأذكر لكم حالي قبل الزواج واللذه والسعاده والراحه النفسيه وما بعد الزواج من طفش وزهق يا بنات كملوا قراءه الموضوع والله انه قد ماهو محزن لي قد يكون مفيد لكن
حالي قبل قولوا ماشاء الله
كنت الصلاه لا تفوتني ولا احب اني اتأخر فيها ولو راحت علي نومه مثل صلاه الفجر يوم الخميس يعني مثلا الساعه 6 صليتها والله العظيم يا بنات اني اقعد ابكي واقرا قران علشان اكفر مع اني ما كنت متعمده اني ااخرها _ كان يوميا لي ورد لا يقل عن جزء كامل مع حفظ وجه تقريبا خلصت 5 اجزاء حفظ وجزء حفظ مع تقسيره لابن عثيمين _ كنت لازم استمع لاي برنامج في اذاعه القران الكريم مع اني ادرس ومن الاوائل والحمدلله بس ما ادري من تجيني الطاقه والوقت هذا كله قولوا ما شاء الله عاد :27: كنت اصحى قبل صلاه الفجر علشان اصلح الفطور لا اخواني لانهم احيانا يرفضوا اذا صحيتهم للصلاه بحجه انهم جوعانين احد ياكل الفجر :22:
كنت باره بامي قبل ما اداوم احب يدها وراسها واذا رجعت نفس الشئ _الغيبه ما كنت اسمح لاي احد انه يغتاب لصديقاتي ابد انهم يغتابون الدكتور او المشرفه في الكليه وسبحان الله كنت اقولهم من كثر حسناتنا علشان نعطيها الناس :mad:
والله العظيم ثم والله العظيم ثم والله العظيم اني كنت عايشه بسعادع ماتتوقعونها وكنت مرتاحه نفسيا مع ان ما كنا نطلع من البيت الا في الاعياد نروح البر بس والسوق نفس الشئ بس سبحان الله العظيم اتمنى انها ترجع هذيك الايام :icon33:
واما حالي الان فو الله انه محزن ومبكي اصبحت صلاه العصر الساعه 6 والفجر الساعه11 ولا مبالاه كأني احد مبشرني بالجنه:hahaha: ما صرت اخاف مثل زمان اللي لمن تروح علي نومه اقعد ابكي وانا باقي على الفراش يالله وش التغير هذا الناس يتغيرون الاحسن وانا للاسوأ اصبحت الغيبه على لساني والحش واثور بسرعه واي شئ يستفزني ما عادني زي اول يعني مثلا صارلي موقف اول ورفعت صوتي على اختي الكبيره وجدتي وتسامحت منهم بس المشكله انا ما سامحت نفسي قعدت اقرا 3 اجزاء من القران علشان اسامح نفسي فرق والله العظيم يا بنات طفشت من حالي زهقت من الطلعات ما صارت تعجبني السوق نفس الشئ ابي ارجع زي اول مليت من حياتي مليت من الاغاني والمسلسلات يا بنات الان كل شئ متوفر لي السوق والطلعه والكمبيوتر بس والله ما احس باللذه اللي اول اول البيت فيه تلفزيون قنوات المجد فقط والثاني في المجلس لا ابوي علشان يتابع العربيه فكنت اجلس عنده علشان اذا جت موسيقه بين الاخبار اقصر الصوت علشان ما يحمل الاثم والان انا اللي اسمعها وزوجي الله بالخير مثلي واردى مني يارب رحمتك وش ذا الحال يارب رحمتك يارب اني ارجع مثل زمان والله ان الراحه في الطاعه مش في السوق ولا في الطلعه ولا المطاعم ولا في انك تبحثين عن رضا الزوج حتى لو بالحرام
يلزم عليك تسجيل الدخول أولًا لكتابة تعليق.
عليك بالدعاء والاستغفار..لان الذنوب تجر الذنوب
اسأل الله ان يهديك وييسر لك طريق طاعته انتي وزوجك
اسأل الله ان يهديك وييسر لك طريق طاعته انتي وزوجك
الملكه
•
ادعي بهذا الدعاء اللهم لاتزغ قلوبنا بعد اذ هديتنا ..اللهم ثبتنا على الطاعات .اللهم يامقلب القلوب والأبصار ثبتنا على دينك ...ياحي ياقيوم برحمتك استغيث اصلح لي شأني كله ولا تكلني الى نفسي طرفة عين ...
دائما ردديها وسترين التغير بأذن الله
الله يصلحك ويصلح زوجك..
دائما ردديها وسترين التغير بأذن الله
الله يصلحك ويصلح زوجك..
الصفحة الأخيرة
ربي اجعلني مقيم الصلاة ومن ذريتي ربنا وتقبل دعاء