كنت اتصفح التيك توك وليتني ماشفت

السلام عليكم ورحمه الله وبركاته
في شي والله جرحني جداً تدرون ليش جرحني لأني حسيت اننا في غابه وبين وحوش احدى الحسابات منزل مشاكل الناس اللي تبي تفضفض وتتكلم ترسل على التيل الموجود بحساب ذا الشخص المهم في وحده كاتبه مشكلتها ان وصل عمرها 36 سنه ومحد طق بابها تقول رغم انها جميله ومتعلمه وتخرج مناسبات كثير لاكن تقول حافظه القرأن كامل وملتزمه جداً جداً محد تقدم لها وحاطه قلب مكسور فيه بنات ماقصرو دعو لها وعطوها امل بالحياه الا الذكور للأسف ماهم رجال ذكور والله حول 60تعليق من ضمن تعليقات الذكور لو كنتي جميله محد خلاك تعفنين ببيت اهلك لو كنتي جميله كان تزوجتي يالعانس واللي كاتب لا وتمدح نفسها بعد التزامك حطيه في اللي انتي خابره يالعجوز لا اله الا الله والتعليقات اللي تعور القلب من ناقصين العقل والله العظيم اني ادخل على حساباتهم انهم كبار واشوف لصورهم في شنبهم شعر ابيض وهذي اخلاقهم 👎🏼 واحد كاتب تعليق مره جارح يقول والله لو مهرك ريال ما اخذك لأن اكيد انك مو حلوه يالعانس دخلت على حسابه لقيته كاتب معلم لغه انجليزيه واب لثلاث بنات وحاط صورته عمره حول 40 سنه تقريباً بذمتكم معلم وهذي اخلاقه ممكن بناته يكونون عوانس كل تعليقات الذكور يالعانس اقسم بمن احل القسم ان المراهقين اهون اذا علقو لاكن اباء وموظفين وهذا كلامهم وشنبهم ابيض 🤦‍♀️ لا وفي واحد كاتب انتي على معصيه عليك من الله ماتستحقين ان شاء الله مايجي نصيبك دخلت على حسابه لقيته موظف ومصور مكتبه🤕 قسم بالله ياناس انه عورني قلبي وانا اقرأ التعليقات احد يفهمهم ان الشماته مو زينه وان الكلمه الطيبه صدقه البنت اللي كاتبه مشكلتها وش شعورها وهي تقرأ تعليقاتهم انا في صدمه من امس بعض الذكور من جرف لدحديره للأسف اللي تأخر نصيبها عسى في ذالك خير من يوم شفت التعليقات حسيت ان معد فيهم خير متعلمين وهذا كلامهم نسأل الله السلامة