روز السوسن @roz_alsosn

محررة

كنت احسب ولدي يحتضر وجلسه اللقنه الشهاده

كنت في وقت العصر نايمه بالصاله وعيالي عند التلفزيون بالمقلط واسمع صوت المويه حقت المغسله الي جنب الحمام اكرمكم الله واستنى يسكرونها عيالي وما زلت اسمع صوت الماء وبعد ربع ساعه قلت بروح اشوف اكيد بنتي تلعب بالماي ولما وصلت عند المغسله لقيت ولدي طايح عندها ويطلع من فهمه رغوه بيضاء وعيونه شبه مفتوحه وخفت وجلست ابي اقومه ما قدرت ثقيل مره وما يرد علي وهو عمره 15 سنه وجلس ابكي واقوله قم تشهد قول اشهد ان لا اله الا الله وان محمد رسول الله بس ما يتكلم وما كان عندي الا عيالي وما عرفت وش فيه وانا ابكي وعيالي يبكون معي وزوجي برا وتلفوني مقطوع وسبحان الله جلست عندي الشغاله وكانت من المؤاقتات معها جوال وتجيبه تخيلوا والله جلست احاول اتذكر رقم زوجي ما قدرت اروح وادور في البيت ابي اتذكر ما قدرت لدرجة اني اسال عيالي تعرفون رقم ابوكم قالوا لا وارجع لولدي واحاول انه يتشهد بعد 20 دقيقه قام بس قعد يمشي كنه واحد فاقد وقعدت اقوله اقرا وراي المعوذات بس لسانه ثقيل وبعدين جاء ابوه ووداه للمستشفى وطلع معاه شحنات كهربائيه والحمد لله على كل حال بس بعدين جلست ادخل النت واتعرف على هذا المرض الله لا يوريكم مكروه ولا تشوفون الي شفته امين الي تقرا موضوعي لا تنسى دعوه لولدي ولاولاد المسلمين بالشفاء من هذا المرض وتسلمون واسفه على الاطاله

121

يلزم عليك تسجيل الدخول أولًا لكتابة تعليق.

تسجيل دخول

عيون المهاة • 13 سنة

الله يشفيه يااااارب ماشاء الله عليك بتلقينك الشهاده له الله يحفظه خليه يكثر من السجووووود

rhf • 13 سنة

الله يشفيه وخليه لك
انصحك اقراي عليه لان القران شفاء

نــــــــــوف||| • 13 سنة

الله يخليهم لك ويخليك لهم
ولايريك بغالي مكروه يارب
وانتي اقري وردهم عليهم

وماتشوووووووفون شر يارب...

*هبة • 13 سنة

اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه

زوجة الفقير • 13 سنة

ربي يشفيه ويخليه لك وتفرحي فيه ولاتشوفي فيه مكرررررررروه