السلام عليكم ورحمة الله وبركاته
مساء الخير
جيت احكي لكم قصتي مع الاستغفار عشان تستفيدون منها وتتأكدون ان الله ما يضيع لك دعوه حتى لو ما أُجيبت نفس الدعوه
ابداء في الموضوع لإني ما اعرف للمقدمات
انا الحين حامل في الشهر السابع ومن نصف الشهر السادس وانا استغفر بالسبحه في اليوم ما يزيد عن 1000 الف مره بنية ان
الله يرزقني ولد لإن عندي 5 بنات واتمنى ولد كانت اموري في الحياه والحمل صعبه جداً مشاكل على طول ما اقدر اقابل احد من
شين نفسيتي حتى زوجي ما كنت اطيقه والله العظيم يابنات ان حياتي تغيرت بشكل كبييير وواضح جداً زوجي لاحظ والكل يقول
وجهك صافي ومنور ايش تحطين عليه ؟؟
راحت همومي اللي توقعت انها ما تروح احلامي كانت مزعجه جداً جداً لدرجة إني اخاف من النوم الحين انام عادي واحلامي
خفت عن اول احس براحه نفسيه عجيبه ما كنت اعرفها من قبل وكلها بفضل الله ثم فضل الذكر كنت كل يوم اتمنى اروح اسوي
سونار وارتاح لكن ربي اعطاني الراحه
والرضاء بدون كشف إلى الحين ما كشفت واحس انه عااادي جداً ولله الحمد اهم شي الصلاح وان كانت امنيتي لازالت هي الاولى
وهي ان الله يرزقني الابن الصالح إلا ان الرضاء يغمر قلبي بعد ما كنت ابكي من كل كلمه اسمعها من المجتمع الاحمق اللي يفضل
الولد على البنت بدون سبب واضح
هذي قصتي مع الاستغفار وتفريج الهم والكرب والر احه النفسيه جربوها ولو 100 مره في اليوم
أسأل الله ان يعطيني اللي اتمنى وانتم كذالك
قال تعالى (( فأذكروني اذكركم ))
كتبت موضوعي للفائده لا غير