كنت اظن الشوق جابك تجلس بجنبي شوي!!!

سلام بنات شخباركن ؟؟؟من صاحيه الحين وجالسه بروحها والكل نام :( ..........وحطت ايدها على خدها وتنهدت تنهيده طويله اههههههه اخيرا انا وحدي ولا تمللتي من الوحده؟:09: ياترى انتي وش سويتي اليوم وكيف كان يومك ؟؟ شنو حلمتي امبارح ؟؟؟؟؟؟؟بويش تفكرين الحين :angry: ؟؟؟؟؟؟؟متى نزلت دموعك ومسحتيها بسرعه :icon33: ؟؟؟؟؟؟؟؟؟؟شنو احلى شيء بحياتك ؟؟؟؟؟؟:42: خلينا نسولف بدل محنا سهرانين بروحنا انا عني ملانه وطفشانه اراكض طول اليوم ورى العيال والبيت صح اني استمتع بكل شيء اسويه واحس ببركه بس اخ ساعات افكر واحلم باحلام ثانيه (استغفر الله) نفسي احيان اكون حرة نفسي وانطلق في هالعالم واسافر واروح كل يوم بلاد نفسي احيان ابتعد شوي عن الروتين او اخذ اجازه من البيت هذا البيت اللي اعشقه وفي نفس الوقت احس احيان يخنقني ويكبلني تعرفون احيان لمن اقوم بواجب عند احد والحريم جالسين يسولفون ويحشون تروح بي الافكار وعقلي وتفكيري يكون عند اليهال والبيت ياترى وش يسوون يا ترى جالسين يتضاربون ولا ملانين سبحان الله مدري ليه انا كذا ؟؟؟؟؟؟؟؟؟ زمان قبل لا اتزوج كنت احس نفسي مثل الفراشه لا وراي ولا قدامي اذا ضحكت ضحكت من قلب واذا طلعت ما افكر واعيش اللحظه مدري ليش الحين احس افراحي ناقصه مدري ليه عندي هذا الهم :(







ماعليكم هذي ترى خرابيط وحده سهرانه بس قلت اللي بخاطري بهذي اللحظه :angry2:

سولفوا يالله نفسي حد يشاركني ويهذر معي ولو شوي وخلو الريح تجيب عطوركم وخلو الشوق يجيبكم تجلسون بجنبي شوي :26: