كنت اظن ........وخاب ظني!!

صباح الخير
كيفكم ياصبايا طيبين
العنوان كنت اظن...وخاب ظني
كنت اسمعها نكت واقراها نكت و و و هههه وف المسلسلات يعني توقعتها خيال الجمله لكن للاسف طلعت صدقيه الجمله 😅
ومن هذي الجمله احكيلكم قصتي هههه
انا يابنات الحلال تقدملي واحد ورفض ابوي لما سال وكذا ماطلع زين واثق براي ابوي بعد الله فدييته
المهم جاني واحد ثاني بس مطلق وعنده بنت طبعا هنا انا وقفت قلت مستحيييييييل شروطي وهي كالتالي:
مايكون عسكري
مايكون متزوج ولاسبق له الزواج
ولا مطلق ولا عنده بزارين مره انسووو
سال ابوي عنه بس طلع برضو فيه مشكله وحمدت ربي
اخر شي جاني واحد خبرتني امي عنه نادتني ودقني قلبي انه عريس عاد كيف مادري سبحان الله هههههههه
جلست الا امي تتكلم وابتسمت ابتسامه الي في شي يسعدها ربي المهم وقالت جاك واحد ويمدحونه مرره اخلاق وادب واحترام ورجال ماعنده لف ودوران اتاري الوالد الله يحفظه قد سال عنه فرحت للمواصفات هذي والحمدلله ويادوب بديت ابتسم الا قالت امي بس ف شي انا هنا وقفت اشفيه😟قالت وهي تتلعثم بالكلام مطلق وعنده بنت 😳انا ع طول نعممم مستحيييل اوافق وانتم تعرفون اني مابغا والله ووالله واسوي وارقع طبعا امي كانت معاي رافضه الفكره تمااااما ماودها كذا بس كان ابوي مصمم لان اخلاقه عاليه والكل يمدحه تبارك الله بس انا مااابغا وكنت اتمنى اسمه غيير عن اهلي وجا نفس اسم واحد من اخواني هههههه المهم مع الاحداث والتعب الفكري والجهد تعبببت وصليت الاستخاره وارتحت بعدها وبعد النظره الشرعيه ارتحت اكثر الحمدلله طبعا انا مابغا عسكري وطلع عسكري ههههه اه ياربي الحمدلله وكنت ابغاه يكون اجتماعي يودي ويجيب ونروح وسفريات وطلعات طبعا عكس تماما عن هذا كلله بس الحمدلله طلع طيب وحنون ومايقصر الحمدلله ماطلع العكس ولا كان انجلطت هههههههه وطبعا بعد الزواج احكي زوجي عن الاحداث وشروطي وكنت ابغا ضحك وقال يعني كلها طلعت بوجهك قلت وبقوووه 😅
الحمدلله مشت الامور ع خير وقلت اعوضها بعيالي اخليهم شي بعد الله وافتخر فيهم والحمدلله جاني ثلاث بنات بعدين ولدين خير من رب العالمين والحمدلله ماقصرت معاهم بعد الله علمتهم الطيبه والاخلاق والاحترام والعقل والادب والخوف من الله والاعتماد ع النفس بكل شي من سن ٨سنوات دراسيا وترتيب وكل شي والحمدلله طبعا بدات نفسي تحلم وتظن كالعاده ههههه ماتوب
كنت اظن ان الي علمته عيالي بيكبر معاهم واشوفهم شي وااااو وكبرت احلامي ليين طحت ع وجهي وصحصحت
الكبار عنيدات مع بعضهم الكبيره ماتتحمل والوسطانيه طلعت مريضه بالذهان والحمدلله والصغيره بدات مراهقتها وقرفها بقي الاولاد الله يستر وقسم بالله لكرهت حياتي معاهم كنت اعشق شي اسمه بنات الحين كرههههت خلفة البنات وسيرة البنات اه ياربي الحمدلله ماااااعاد عندي امل ابدا بذي الحياه املي ف ربي بس والله العظيم يأست وطفشت وقرفت ماعندي الا ربي وسجادتي ودعائي وقراني وبسس
مجرد فضفضه افضفض وارتحت🤗
يسعدكم ربي واسفه غثيتكم 🌹😘❤️