كنت اظن وخاب ظني ......

السلام عليكم
احيانا نعمل اشياء بحسن نيه لكن النتيجه تقلب عكسيه
احيانا ودي اكبح جماح الطيبه او الحماس لان الناس فعلا نفسياتهم تغيرت بقول لكم بعض المواقف واذا عندكم مواقف شاركوا ووش ممكن نتسفيد من دروس
مره عملت حفله لاطفال العائله
وجبت كيك وزينه وحلويات وهدايا رمزيه متنوعه
المهم المناسبه كانت نجاحهم
التخيل : اطفال يسرحون ومبسوطين ، مدري ليه احب ابسط الاطفال
النتيجه : الاطفال تهاوشوا على لعبه ، وصارت مشكله اخد اباء الاطفال اتهمتي اني جايبه العاب رخيصه وزعل اضطرت امي تاخذ الاطفال وتشتري لهم العاب على ذوقهم وخربت الحفله وسمعت كلام يسم البدن
مره جاني اتصال من شركه تسوي مسابقات وعروض لسفر لدوله اوربيه
ماوراي سفر عطيتهم رقم اخوي توه معرس
المهم دق علي وغسل شراعي 😭ليه تعطين رقمي لاحد
مره اخوي عنده عشا وقلت انا بضبطه له وفعلا اجتهدت لكنه صار يروح ويجي ووترني ومشكلني وصار يقول هذي ماراح تضبطه وطول لسانه وقل ادبه
مره صاحبتي طالعه من نفاس وقلت بعشيك واعزمي البنات
وفعلا طلعت بوفيه وتكلفت وارسلته لبيته
وجيت الموعد وجو البنات وفيه ثنتين ماجو زعلانات انهم ماانعزموا
وانا كلفت صاحبه البيت تعزم كل صديقاتنا واعزمتهم فعلا
المهم لما جت تضيفهم ماجابت طاري اني جايبه العشا وصارو يمدحونها هي على اساس اابوفيه منها ولا لقيت شكر من الضيوف الخاضرين لكن العكس البنات الي ماجو زعلانين علي
صديقه حايه من سفر ارسلت لها هديه ، وماستلمتها وصرت تكلمها تقول ماجتني وكلمت المندوب يقول وصلتها وقصه طويله وراحت الليله نكد وبحث عن الهديه الضايعه اخرتها طلع زوجها مستلمها ومابلغها
ودايم تصير مواقف كذا اتخيل دنيا ورديه ببالي واجتهد وانصدم السالفه تقلب علي مو قصدي بنات شكر او مديح لا لكن تنقلب علي زعل او مشكله واتنكد