كنت اعاني من التعرق المفرط بالأبط والحمدلله شفيت منه واستمتعت بحياتي

السلام عليكم ورحمة الله وبركاته


وصباحكم / مساكم


سكر ياسكاكر


طبعا مثل ماهو بالعنوان الموضوع خاااص لصاحبات العرق المفرط


يعني اللي اباطهم دايم تعرق .. مو تعرق بس الا تصب صب من المويه


وللي مايتهنون بملابسهم .. واللي يشتهون يلبسون فاتح بس يخافون بقع التعرق تبين من تحت الأبط فينحرجون ويلبسون غوامق


ايييييييييييييييه ياذيك الأيام الله لايعيدها من ايام


من جد قمة القلق .. وملابسي مو انا اللي اختارهم لا هالمشكله هي اللي تختارتهم


ودايم ماأرفع يدي عشان ماتبين البقعه .. ودايم المناديل تحت الأبط .. وووالخ


وكنت ادعي ان الله يشفيني ويخلصني من هالمشكله


الى ان كتب الله لي الشفاء التام ولله الحمد


اول شي شوفوا هالموضوع



http://forum.hawaaworld.com/showthread.php?t=1685030



كتبت هالموضوع السابق وانا جدا متأزمه من مشكلتي ..

والحمدلله كتبته ولقيت من الحل بفضل الله وحده ثم بفضل الأخت اللي نصحتني بهالدوا


طبعا بتشوفون ردود كثيره تنصحني بمزيلات عرق نيفيا .. ريكسونا .. دوف .. ووالخ


وعلى ماقالوا .. محد بيحس بالنار الا واطيها


فجات اختي الله يجزاها خير واللي كانت تعاني من هالمشكله ونصحتني بهالدوا


دورته هنا مالقيته .. وبالموووت قدرت اطلبه من الخارج


صح تكلفت الى ان لقيته .. بس جد جد يستااااهل يستااااهل يستاااااهل


يكفي انه يخليك مرتاحه وواثقه من نفسك وتلبسين اللي ودك فيه


على طول استخدمته ورحت السوق من الوناسه اشتري الملابس الضيقه والفاتحه

واللي الوانها تجيب العافيه


مليت من الزيتي والكحلي والأسود ووالخ


وطريقة استخدامه مرييحه جدا .. وآمن جدا


الطريقه :

اول مره تستخدمينه تغسلين اباطك وتجفيفنه عدل وتحطينه وتنامين


وبالصباح تغسلينه وهكذا لمدة ثلاث ايام


بعدها ماراح تشوفين ملابسك رطبه وأباطك بتكون جافه

وبترفعين يدك وانتي كلك ثقه ورهيبه ياتسالي خخ


وكل ماحتجتي له حطيه مره وخلاص .. اقصد كل ماحسيتي المشكله رجعت


العلبه صغيره بس تكفيك


شوفي انا شريته من قبل رمضان


والحين باقي اكثر من النص لأنك تحتاجينه كل ثلاث شهور مره او يمكن اربعه او حتى خمسه


الدوا طلبته من كندا .. ومن الطمع ودي اطلب ثاني خايفه يكمل ذا اللي عندي

بس مو لايقه احد يعطيني وجه خخخ


واختي ام حرنكش قد كتبت موضوع عن هالمشكله ووصفت دوا نفس مفعوله وتقول موجود بالأمارات

صورة اللي شريته بالمرفقات


الرد اللي استفدت منه بموضوعي السابق واللي ماصرت اعاني من هالمشكله ابدا





الله يجزاها خير ويوفقها ويرزقها ماتتمنى ويعطيها الذريه الصالحه المعافاه اللي تسعدها مثل ماأسعدتني


ادعوا لها يابنات بالذريه اللي تملي عليها حياتها وتسعد قلبها


,,


الموقع اللي في ردها هو اللي قدرت اشتري منه هالدوا


وام حرنكش ماقصرت بعد نصحتني بـ driclor

وفهمت من كلامها ان نفس مفعول الدوا السابق


ويقولون انه موجود بالسعوديه وموجود بالأمارات ..

عاد اللي تلقاها بالسعوديه تخبرنا وين عشان نستفيد



وبسسسس هذا كل اللي عندي وهذا تجربتي اللي افادتني وريحتني من مشكله اشوفها كابوس


لأني حاسه في كل بنت مازالت تعاني منها


واي سؤال انا حاضره



عذرا على رداءة جودة الصوره لأنه تصوير جوال :/