السلام عليكم ورحمة الله وبركاته..!
اولاً ارجوكم ادعوا لي ربي يرزقني انا وزوجي بالمال اللي يغنينا ونسكن بيعد عن الناس..!
تعبت كثييير عند امي ياما وياما قضيت الليل ودموعي مغرقتني !!
ياما اكلت تهزيئ واحراج وسب ! سوا كانت زعلانه او تضحك وتبي تضحك الناس علي !!
قدام الخدم او زوجات خواني .. ماخلت لي قيمة عند الناس كلهم ..!
خلت الكل يتجرا علي ويوذيني ..!
واذا تكلمت او دافعت عن نفسي هي اول من يقوم علي ..!
(( امي عشات طول حياتها تشتكي لنا ان الناس تكرهها وتوذيها
غرست في قلوبنا كره كل اقاربنا خصوصا اخواني من الاب وعمانا وزوجات عمانا ...!!الخ
..
لدرجه نقعد نبكي وتسيل دموعنا .....!!
امي تكرهنا احنا البنات انا واختي / اختي كبيره وعيالها كبري / لكن ماسلمت منها
اختي تقول تحملي ياما رحت لبيتي ودموعي مغرقتني وما انام اللييل !!
ع عكس اخواني الذكور تقدسهم تقديس وتحبهم وتحب زوجاتهم ...!! وكل شي ياعيوني ياقلبي .. وجعلني فدوه مواطيك ..!!
انا ماغير سب وتهزيئ وتريقه ...!!
ودعاوي ....!! ع اتفه شي ...!! تزوجت قعدت تبكي علي !!!
انا وربي مانزلت مني ولا دمعه ...! بالعكس
كل فتره اسجد لربي اللي ابعدني وانقذني ......!!! واحمد ربي على الفرج
من الهم اللي كنت عايشته ...!! والذل ..!!
(( المشكله ما اقدر ادعي عليها ....!! وابرد قلبي من القهر والغبنه ...)))
اقسم بالله اذكر اللحين كنت صغيره جاهله يمكن عمري8 سنوات .. !! احط ايديني ع وجهي وادعي ربي في خفا واقول : يااااربي حطها في النار وادعي من قلبي !!! وفي قرارة نفسي اتمنى ربي يعجل بيوم القيامه واخذ بثاري ...!!))
شفتوا قد ايش طفلة تعاني!!!
(( اللي بتهجم علي او تهيني اسال الله ان يذيقها ماذقت ..))
بعد مرور 30 عام وانا اعااااااني
ولم يتقدم لي احد ..!!
اصلا يكرهون العايله كره دفين غامض !! ما ادري وش اسبابه!!
تقدم لي واحد بعيد ما اعرفه ولا يعرفنا..!
تزوجت والحمدلله طيب وحنون .. وسبحان الله وجدته يعاني كما اعاني وزود
لدرجه هرب من اهله وعاش بعيد عنهم.. سنيييين!
(( كتمت مافي صدري ولم ابين له ... معاناتي عند اهلي ...!! ))
وكنت احثه ع بر والديه ...!! والومه اذا قصر ..!!
حتى تبينت لي الحقائق ...!! وشفت تهجمهم عليه وسبهم له ...!! وهو ولا يدافع ولا بكلمه ..!! يغير الموضوع ويحاول يرضيهم ..!!
اذا قلت له دافع عن نفسك لا تصير ضعيف ..!! قال ابوي وامي تبيني ارد !!! مالي الا الصبر ..!!
قلت لا بس زي اخوانك ..!! صاروا ..! يحسبون لهم حساب ويحترموهم!! صح الواجب البر بس اذا زاد لدرجه المهانه قول ليش !! التجريح والسب قدام الناس ..!!
دايم يقولوا انت كذااب!! هو مو صغير وصل الاربعين40
ويحترموا اخوانه الاصغر .! عكسه!!
والله والله اي شي يسويه !! يدورون عليه الزله .،! حتى الشي الاجابي يحولونه سلبي ..!!
بعدها عرفت ان مافيهم فايده ...!!
وقررت بقرارة نفسي ... الناس مامنهم الا الاذى ...!! الا مارحم ربي ..
ذولي اقرب الناس لنا ...!! وهذي سواتهم ..
مره اخذتنا السوالف انا وهو قال لي ابوي يغار مني
واذا احد مدحني في المجالس <> قام هو وسبني ..!!
يقول صرت اذا مدحوني اقوم انا وانسب الفضل لا ابوي ..!!
يقول صار يسكت ..!!><
(( اليوم كتبت الموضوع لأخفف من نفسي ..!! ضايقتني امي وانا جايتهم زياره ...!!))
تخيلوا غرفتي السابقه عندهم ماخذه مفتاحها واطالبها اقول لها اذا ابي اغير ملابسي و و و ورافضه تعطيني تقول لا ما ابي اجي اجدك مقفله ...<> لان يمكن تجيها جلطه اذا لقتني مقفله!!
رحت لغرفة اخوي
مو موجود حالياًفاضيه
رتبتها وحطيت فيها سجاد وسرير
وجلست فيها وارتحت ..!!
تخيلوا قلب وجهها ..!! قالت انا اعرف من شفتك ترتبيها انك طماعه فيها..!!
قمت الصباح بخرتها وحطيت فيها القهوه
لان غرفتي تشرق عليها الشمس وعارفه انها تحب الشمس
وكل من قام من اهلي جاني .. وجات هي ..!! ( والله اذا شفتها ينقبض قلبي ادري بتغثني ..!! بتحرجني.،!'
ورحبت فيها وحبيت راسها وقلت صباح الخير..
وانا مبتسمه!!
خزتني بعين وسكتت !!
كانت مفاصلها توؤلمها ..!! قلت وش تبيني اسوي لها وش اكثر شي يخفف عليك اسويه!؟
اخوي جالس ولا سالها شي ..)
قالت الماي الحار ..!!
رحت ادفي لها ماي وقعدت اكمدها
بعد شوي ... قعدت تسبني ع اي حركه اسويها
يالخبل ... يا....،!!!
واذا سوا اخوي قالت جلعني فدوة مواطيك ولبى عيونك!!
وتفدا فيه ..!!
موووت غبن وقهر .. ليش تسبني !!! ع عكس الناس كلهم كبيرهم صغيرهم. من الخدم الى اصغر واحد .....!! الكل جعلني فدوه ولبى قلبك ...!!
وانا تناظرني باشمئزاز ... ونبرة قرف !!
وسب ودعاوي ...!!!
(اااااه ودي اقول حسبي الله ونعم الوكيل ...!!!))
تبين للناس انها ضعيفه واني عاقه !!! و و و الخ ..)
مره اغرت اخوي الكبير وضربني حتى يال الدم
ويوم جلست ابكي قالت قدام زوجات اخواني .. تستاهلين انتي عاقه!!! تخيلوووا .. قلت لها تظنين انك مخلده بالدنيا ؟!! وراك قبر وعذاب ورب يحاسب !!!
ودقيت ع زوجي واخذني
وقلت لها مع السلامه !! نلتقي يوم القيامه !! عند رب ما يظلم احد !
ومشكورين ع حسن الضيافه ماقصرتوا بيض الله وجيهكم انتي وولدك ..!!
> ورحت <<
وقعدت شهرين لان مدينتنا تبعد عن مدينتهم
بس كل فتره وفتره اتصل عليها اسلم واسكر ..'
اخوي مقاطعته ..! صح اغلظ علي غلط كبييير
بس ادري هي كانت السبب هي اللي اغرته لانه يقول لي امي تشكي منك >> دقي ع زوجك ياخذك وانقلعي ..!
وضربني ضرب حتى سال الدم وضربني بنعاله ع وجهي ... الخ ما ابي اجرح مشاعركم بالكلام القاسي ....الخ
كلمت وما ابي زوجي يعرف ان مصدر عزي هم مصدر ذلي ...!!
تحججت بلتعب وجاء بعد كم يوم !!
ورحت ..!
لما جات الاجازه قال استغرب ماقلت ودني لهلي لي شهرين وكل كم يوم يقول انا عندي اشغال ابي اروح بوصلك لهلك .. انقهرت منه!
بس قلت مادام اجازه ووناسه ووجمعات !!
وش اسوي مابيدي حل..! ما ابي انفضح عند زوجي
لما جيت جاء اخوي يتعذر ويقول لاتخلين الناس تتشمت علينا وصافحني بالغصب وانا رافضه واعامله ببرود !! قال الى متى؟!!! والصد ؟!قلت ببرود الى يوم القيامه ...!!
جلس يقبل ايديني !!
قلت له وبعدين؟!!! ترى كل ذا ماله معنى ؟!!
كل ذا ببروووووود لانه معاد يسوى اندي نعاله اللي يضربني فيها ..!
( هو يعرف قدري ونااادم ..) لكن اللي سواه حتى اهلي لما احكي لهم يقولون مانصدق يسوي كذاااا !!!
وربي قبل اتزوج كنا رايحيين عمره ضربني عند الكعبه قدام الناس وقعد ماسكني ويلفني بعباتي مين وشمال ...!
( لاني قلت تعبت وابي اقعد بمكان مريح ....))) شفتوا كيف؟!!
وامي هي اللي مغريته ..!! تخيلوا اختي قالت ولدي بيوديني عمره تروحين معنا قلت طيب بدون تردد ..!
قلت لامي رفضت ..!!! بدون سبب مالها عذر..؟!!!
قلت ليييش ليش ؟!! جلست تسب بعدين قالت بكيفك انقلعي؟!!
وانا راكبه مع اختي وعيالها ماتسعني الفرحه..!!
اذا باخي الكبير يدق ع اختي..!!
قال لا انتظروني!
انصدمت ..!! لما جا قال انتي رايحه بدون اذن من امي؟!! قلت لا هي اذنت لي وبعدين مايحق لها تمنعني باي حق؟!!
قال انا اوديك ووداني وهو محشي علي .،! مجرد ماقلت تعبت قعد يضربني..!! بعدها راح بمكان بروحه اشوفه جالس يبكي..!!
شفتها مقبل علي حزين سامحته واعتبر نفسي وقتها صغيره عادي هوشة اخوان ...<> لكن اللحين لا ..!!
شفتوا قد ايش اعاني >>>> وربي اكرها كرررره..!!
الله يغنيني وابعد ..............!! ياااارب تغنيني انا وزوجي ياااارب .
وش اسوي الناس مهما كان بتحط اللوم علي ...! وماراح تسمع لي ابد ...)
واسفه ع الاطاله ....!! ����ما اقدر ابوح مابداخلي الا لكم
وارجوووووووكم ادعوا لي ربي يرزقني انا وزوجي ونشتري لنا بيت عند عمله واسكن معه وما احتاج اروح لاهلي ...!!
الله يجزاكم خييير ..!!
هذا الحل الوحيد اني ابعد عنها ..! لن اجد الا الهم والدعاوي ..!
والسب قدام الناس .. واخاف افور واغضب رب العالمين ...!!
ربي اغفر لي وارحمني وتجاوز عني .. وارزقنا بالحلال الذي يغنينا ويبعد عنا مايحزننا
ربي رضاك اسال فحقق لنا مطالبنا ياااااارب ...!
ارجوووكم لاتنسوني من دعواتكم في السجود واوقات الاجابه ..!
ربي يجزاكم خير ويرزقكم من فضله ..!
هدوء وسط الزحاااام @hdoaa_ost_alzhaaaam
محررة ذهبية
يلزم عليك تسجيل الدخول أولًا لكتابة تعليق.
محبة الصفاري
•
الله يفرج همك والحمدلله رزقك ربي بزوج طيب ولاتروحين عند اهلك الاكان بتسلمين شوي وطلعي لاتجلسين
الله يكون بعونك ويرزقك برها يا رب ويهديها ويصلح حالها ويحنن قلبها عليك يا رب
الصبر الصبر يا اختي الله يفرجها عليك
هذا امك ما نقدر نقولك شي الجنه تحت اقدامها عامليها باحسان الله يرزقك الصبر
امك من زمن الاولين اللي يفضلون الولد
صعب تغيرين تفكيرها لكن ربك قادر ع كل شي سبحانه الله يلين قلبها يا رب
الصبر الصبر يا اختي الله يفرجها عليك
هذا امك ما نقدر نقولك شي الجنه تحت اقدامها عامليها باحسان الله يرزقك الصبر
امك من زمن الاولين اللي يفضلون الولد
صعب تغيرين تفكيرها لكن ربك قادر ع كل شي سبحانه الله يلين قلبها يا رب
الصفحة الأخيرة