كنت اقوا من كذا بكثيير .... صرت ابكي بسهوله

السلام عليكم و رحمه الله و بركاته
نفسيتي صايره بالحضيض و دايما حزينه .... احاول اشيل فكره الاكتئاب من بالي و اشغل نفسي لكن فجاه الاحظ نفسي ابكي و حتى صار الموضوع قدام الناس بس اعمل نفسي شي دخل في عيني
فجاه وانا جالسه الدموع تنزل ولازم ابحث عن عذر حتى اروح بعيد عن الناس
هالشي مضايقني و سبب كتابتي للموضوع
انا حزنانه على حالي .... الحمدلله على كل نعم الله علي .... احاول بشكل جدي دايما اركز عالاشياء الايجابيه و اتجاهل السلبيه
انا انسانه كنت بارعه في اخفاء الالم .... حتى بين اهلي يعرفون مهما جرحوني بالكلام اخذ الموضوع كمزح و دايما يقولو لي "انتي ابدا ما تزعلي" لان طبعي ابداا ما احب ابين نقطه ضعفي
يعني لو احد جرحني بالكلام احس مثل السكين في قلبي لكن قدامهم احول الموضوع مزحه و اكمل معاهم "ايه فعلا انا ..... حتى مره ...."
اليوم صارلي موقفين الدموع نزلت بشكل تلقائي ماقدرت اتحكم في نفسي .... حاسه بالحزن و حاسه بالاحباط و كل شي مسكر في وجهي
عمري قارب ال30 عمره ما احد خطبني .... مابقى احد من قريباتي ما تزوج .... احس باحراج شديد بينهم ....
انا ودي اكون منطلقه و حياتي اجتماعيه ولكن مافي احد فاضي لي ... مافي صديقات ... ابناء العم و الخال و الخاله متزوجات و طبعا قطعو علاقتهم بعد الزواج لان خلاص صارو مدام وعلاقتنا صارت رسميه
في البيت ابدا مافي احد فاضي لي .... انا حابه اكمل الدراسات العليا لكن الالقي احباط و تحطيم و يقولو لي ماله داعي خصوصا التخصص انا حابه اكمل فيه في جامعه في مدينه بعيده
صارلي سنيين افتح الموضوع و الرد دائ.ا ما احد فاضي لك مو شي مهم انسي الموضوع .... (ملاحظه لا توجد جامعه في مدينتي فيها دراسات عليا يعني حتى لو اخرت مجال اخر لازم اروح مدينه بعيده)
انا ولله الحمد موظفه لكن دوامي طويل اطلع اذان الفجر و ارجع اذان العصر ... والحمدلل الحمدلله انا جدااا مخلصه في عملي ما احب راتبي يكون حرام وانا انسانه مسالمه جدااا
مديرتي تخاف من الملسونه فتظلمني كثيييييير