مو لازم تسوي كل الشغل مره وحده سوي لك جدول من السبت الى الاربعاء يوم المطبخ ويوم الملابس ويوم غرف الاستقبال ويوم غرفة النوم وهكذا وممكن ربع او نص ساعه يومي لترتيب المكان اللي تجلسوا فيه وغرفة النوم ودورات المياه واطبخي من الطبخات السهله وخليك مرتبه كل شي بمكانه يعني وقت ماتطبخي ع طول غسلي اللي وراك لو ملعقه عشان ماتتراكم ويصير تغسيلها صعب وتتعبك هذي افكار اخذتها من عالم حواء وعجبتني ان شاء الله اكون افدتك

عرسي قريب ،،

استفدت من الردود ،،

اذا قعدتي تهتمي في البيت ..رح تهملي نفسك بالتدريج الين تنسيها.وهذا مو في صالحك ابدا..اول ماتصحي روحي الحمام اغسلي وجهك وتوضي وحطي كريم مرطب بعد تفريش الاسنان طبعا.وسوي ميك اب خفيف يكفي اساس خفيف وروج وكحل وممكن مسكرة.والبسي وسرحي شعرك تسريحة سريعة جدا .واطلعي صلي الفجر. وبعدين جهزي الفطور.واقعدي مع زوجك الين يطلع للعمل .على طول غسلي وجهك وحطي قناع مثلا زبادي او بطاطس مهروسة مع حليب طبعا تكوني لبستي شي مهلهل للشغل.وتحطي زيت في شعرك وتربطية .وتبدي تجهزي للغدا تقطعي الدجاج والبصل والخضار.وحطيها في الثلاجة ..سويلك ترمس اعشاب اشربي منه طول اليوم.عشين تقاومي السمنة.وابداي بتنظيف البيت .اهم شي المطبخ وغرفة النوم وجلستكم.والحمام.وكل يوم نظفي غرفة زيادة .وبعدين خذي لك وجبة خفيفة وقومي سوي الغدا.حاولي يخلص قبل الظهر.واستحمي وادهني جسمك بمرطب واتمكيجي وغيري ملابسك وبخري البيت.....ولو كل ما لقيتي فرصة لوحدك وانتي عند التلفزيون تقطعي الخضار وتفرزنيها تفصفصي الثوم وتفرزنيه قشري البصل وحطيه بعلبة في الثلاجة.اعجني عجينة الفطاير وفرزنيها ...افتحي النت وخذي منه وصفات للغدا والعشا حق اسبوع وجيبي المقاضي حقتها وجهزيها عشين ما تتعبي بالتفكير والتجهيز لكل وجبة.كمان مرة في الاسبوع رتبي دولابك وجهزي ملابسك لاسبوع من الصباح لحد النوم.حتى ما تحتاري باللبس .يعني قدك عارفة اش بتلبسي كل يوم .ومرة في الاسبوع غسلي الملابس بس ما يكون يوم اجازة زوجك.حتى لا تنشغلي عنه.والاحسن تكون الغسالة فل اتوماتك تريحك كثير خصوصا لو كان تنشف تنشيف كامل والكوي حق زوجك في المغسلة برى.والملابس الداخليه طبقيها وملرري عليها المكوى بستمرير.وملابسك علقيها ولما تلقي فرصة اكوي منها كل يوم شوي...ويا ليت تسوي لك جدول باعمالك اليومية والاسبوعية تلرتاحي كثير..وادخلي في عالم حوا على قسم التنظيم والترتيب.مفيد جدا ..وبالتوفيق

قبل الاطفال ممكن كنت ألحق شوي لنفسي
لكن أطفال وبيت كبيييير ماألحق حتى أمشط شعري أحيان والله من التعب
عملت جدول للتنظيف ألاقي نفسي طول الأسبوع أشتغل
حاولت شغلي يكون أول بأول لقيت نفسي ألف طول اليوم
جبنا غسالة أوتوماتيك ونشافة والكوي برة وهي هي شغل ف شغل.
والنتيجة الصحة تدهورت والحمدلله على كل حال
لما كان عندي شغالة كنت مرتاحة بس راحت ومع الأزمة هذه مافيه إلا أثيوبية مرة مومرتاحة لها
نسأل الله أن يعيننا وييسر لنا مافيه الخير
قولو آمين

ممكن الي بيتها صغير أشوى شوي
لكن دورين و٤أطفال الله يكون بالعون:(

لكن أهم شي عندي أركز ع نظافة الجسم واللبس
حتى وأنا أشتغل أحب لبسي يكون مرتب وعملي ف نفس الوقت